Ձեր վստահելի աղբյուրը

«Ես չէի մտածի, որ Արմեն Սարգսյանը, լինելով այդքան փորձառու և այդպիսի կենսագրության տեր մարդ, ՀՀ նախագահի թեկնածուի կարգավիճակում ԱԺ ամբիոնից հանդես կգա այդպիսի խեղճ ու տխուր, մեծ հաշվով որևէ էներգիա չպարունակող տեքստով»,-ԱԺ-ում լրագրողների հետ զրույցում նման տեսակետ հայտնեց  «Ելք» խմբակցության ղեկավար Նիկոլ Փաշինյանը։

Հարցին՝ ապրիլից հետո կարելի՞ է փոփոխությունների սպասել, պատգամավորն ասաց՝ երկիրն այն վիճակում է, որ փոփոխություններ պետք է սպասել ցանկացած պահի, եթե ՀՀ ժողովուրդը կայացնի այդ որոշումը։

«Մենք հասկանում ենք նաև, որ ժողովրդի որոշումը ինքնակազմակերպման արդյունքում պետք է տեղի ունենա, մենք մեր գործունեությամբ փորձում ենք առավելապես նպաստել դրան»,-նշեց պատգամավորը:

Փաշինյանը նաև շեշտեց, որ երեկվա ելույթից հետո «Ելք»-ի դիրքորոշումը՝ դեմ քվեարկել Արմեն Սարգսյանի թեկնածությանն, ավելի հիմնավոր դարձավ։