Ձեր վստահելի աղբյուրը

ԱԺ ՀՀԿ խմբակցության պատգամավոր, գեներալ Սեյրան Սարոյանը հույս ունի, որ Արմեն Սարգսյանը նոր ներդրումներ կբերի: Այս մասին նա ասաց լրագրողների հետ ճեպազրույցի ընթացքում:

Դիտարկմանը, թե վարչապետն էլ էր խոստացել ներդրումներ բերել, նա արձագանքեց, թե բերել է:
«Բոլորդ էլ տեսնում եք, որ Արմեն Սարգսյանը լուրջ մարդ ա, բերեք օգնենք էդ մարդուն, ընենց չանենք, որ հավես չունենա, նույնիսկ, որ տնից դուրս գա, գնա գործի: Սաղ ազգով պետք ա պադերժկա անենք: Նա մեծ կապեր ունի Սփյուռքում»,- ասաց պատգամավորը:

Սեյրան Սարոյանը նաև չհամաձայնեց այն դիտարկման հետ, որ նախագահի պաշտոնն այսուհետ առավել խորհրդանշական բնույթ է կրելու:

Ինչ վերաբերում է «Ելք» խմբակցության մեղադրանքներին, թե Արմեն Սարգսյանը համապատասխան փաստաթղթեր չունի՝ քաղաքացիության հետ կապված, նա նշեց. «Ընդդիմությունը միշտ էլ աժիոտաժ պտի սարքի, չպիտի նեղանանք ընդդիմությունից, իրենց գործը էտ ա, եթե տենց չանի, մեր երկրում ընդդիմություն չի լինի: Էղած բանն էլ կարան  շեղեն: Ոչ մի խնդիր չկա, ամեն ինչ օրենքի մեջ է: Պետություն կա, օրենք կա»: