Ձեր վստահելի աղբյուրը

«Եվրոպայի խորհրդի նախարարների կոմիտեի նիստերը դռնփակ են, չեմ կարծում, որ մենք Եվրոպայի խորհրդին կհանդգնենք մեղադրել պակաս ժողովրդավարական լինելու մեջ»,- «Կառավարության կառուցվածքի և գործունեության մասին» օրնագծի քննարկման ժամանակ իր ելույթում հայտարարեց  ԱԺ Պետական-իրավական հարցերի մշտական հանձնաժողովի նախագահ Գևորգ Կոստանյանը։

«Ժողովրդավարության խնդիր չկա, ավելին՝ վստահ եմ, որ լավ գիտեք, որ ԵԽ շատ հանձնաժողովների նիստերը դռնփակ են, դռնբաց նիստ անում է բացառապես պառլամենտական վեհաժողովը»,- շեշտեց Կոստանյանը:

Նա նշեց, որ ինքը չգիտի մի միջազգային կազմակերպության գործադիր մարմին, որը նիստերը դռնբաց են անցկացնում. «Հույս ունեմ, որ այս հարցն այլևս քննարկման առարկա չի դառնա»։

Ինչ վերաբերում է ԱԱԾ-ն ու Ոստիկանությունը վարչապետի ենթակայությանը հանձնելուն, նրան «սուպերվարչապետ» դարձնելուն, ապա պատգամորն ասաց, որ սուպերության մասին չէ խոսքը, հակառակը՝ ավելի շատ պատասխանատվության մասին է. «Վարչապետը ստանձնում է քաղաքական պատասխանատվություն Ոստիկանության ու  ԱԱԾ-ի համար, լուրջ պատասխանատվություն է ստանձնում ընդ որում»։