Ձեր վստահելի աղբյուրը

Հայաստանի երեք խոշոր քաղաքներում՝ Գյումրիում, Հրազդանում, Ալավերդիում, Արարատում օդում ընդհանուր փոշու չափը գերազանցում է սահմանված  նորման: 

Panorama.am-ին ԱՎԾ-ի տրամադրած տվյալների համաձայն,  առավել փոշոտ է Գյումրիի օդը, այստեղ սահմանված նորման գերազացված  է 2.2 անգամ, Արարատում՝ 1.2 անգամ, Ալավերդիում՝ 1.8 անգամ, Հրազդանում՝ 1.7 անգամ:

Վանաձորում ու Ալավերդիում օդում սահմաված նորման գերազանցում է  նաև ծծմբի երկօքսիդը:

Ըստ ԱՎԾ-ի, Երևանի օդում դիտարկված բոլոր նյութերը նորմայի սահմաններում են:

Հիշեցնենք, որ 2017թ. ՀՀ բնակավայրերի օդային ավազանի որակի ակտիվ նմուշառմամբ մշտադիտարկման միջոցառումներ են իրականացվել 16 ստացիոնար դիտակայաններում և պասիվ նմուշառման 217 դիտակետերում:

Մթնոլորտն աղտոտող նյութերի՝ փոշու, ծծմբի երկօքսիդի, ազոտի օքսիդների, ածխածնի մոնօքսիդի, գետնամերձ օզոնի պարունակությունները որոշելու համար շուրջօրյա ակտիվ նմուշառման միջոցով վերցվել է օդի 17 130 փորձանմուշ, պասիվ նմուշառման դիտակետերից՝ օդի 19 364 փորձանմուշ, Երևան և Ալավերդի քաղաքների ավտոմատ դիտակայանների միջոցով ածխածնի մոնօքսիդի, ծծմբի երկօքսիդի և ազոտի օքսիդների պարունակությունների որոշման համար կատարվել է համապատասխանաբար 330 814 և 122 380 դիտարկում: