Չմոռանանք, որ Լևոնը պարտությունից հետո ավելի լավ է սկսում խաղալ. մարզիչ

Սպորտ 13:09 13/03/2018 Հայաստան

Չմոռանանք, որ Լևոնը պարտությունից հետո ավելի լավ է սկսում խաղալ. մարզիչ

«Այս մրցաշարն իր կարևորությամբ երևի թե զիջում է միայն Աշխարհի չեմպիոնի կոչման մրցաշարին: այստեղ լավագույններից լավագույն շախմատիստներ են մասնակցում մրցաշարին»,- այսօր լրագրողների հետ հանդիպմանն ասաց Հայաստանի շախմատի ֆեդերացիայի գլխավոր քարտուղար Միքայել Անդրիասյանն՝ ամփոփելով Գերմանիայի մայրաքաղաք Բեռլինում անցկացվող հավակնորդների մրցաշարի առաջին երեք տուրերի արդյունքները:

Նրա խոսքով՝ Հայաստանի մասնակից Լևոն Արոնյանն այդքան էլ հաջող չի մեկնարկել. «Առաջին երկու խաղերն ավարտվել են ոչ ոքի, սակայն երեկ ցավալի պարտություն կրեց: Կարծում եմ՝ սա դեռ սկիզբն է և հեռուն գնացող հետևություններ դեռ պետք չէ անել, քանի որ դեռ 11 տուր կա»:

Շախմատի միջազգային վարպետ, Հայաստանի վաստակավոր մարզիչ, ՖԻԴԵ-ի ավագ մարզիչ, Լևոն Արոնյանի մարզիչ Աշոտ Նադանյանը մեկնաբանելով Արոնյանի առաջին երկու խաղն ասաց. «Շատ սուր պայքար էր ընթանում: Անսպասելի էր ինձ համար ոչ ոքին: Բայց առաջին խաղն էր, ամեն ինչ առջևում է»:

Ինչ վերաբերում է երեկվա պարտությանը, մարզիչի կարծիքով, այդտեղ ավելի շատ հոգեբանական սխալ կար:

Գրոսմայստեր, բազմաթիվ մրցաշարերի հաղթող, Հայաստանի շախմատի հավաքականի անդամ Հրանտ Մելքումյան ևս ընդգծեց, որ պայքարը սուր էր:

Հարցին, թե ինչպես է գնահատում մրցաշարում հաղթելու Արոնյանի հնարավորությունը, մարզիչն ասաց. «Շատ մեծ եմ գնահատում հավանականությունը հաղթելու: Երկար մրցաշար է, ոնց էլ լինի, առանց պարտվելու անհնար է, դրա համար սկզբում պարտություն ունենալն ավելի լավ է, քան վերջում: Չմոռանանք, որ Լևոնը պարտությունից հետո ավելի լավ է սկսում խաղալ: Համոզված եմ, որ ամեն ինչ կկարգավորվի»:

Առավել մանրամասն՝ տեսանյութում:

Հարակից հրապարակումներ`

Տեքստում սխալ կամ վրիպակ նկատելու դեպքում, ուղարկեք խմբագրին հաղորդագրություն` նշելով տվյալ սխալը, այնուհետև սեղմելով Ctrl-Enter: