«Նախարարության կողմից կա նախաձեռնություն՝ հզորացնել, զարգացնել ՏՏ ոլորտը և Հայասատանի փորձը բերել դեպի Արցախ»
Ի պատասխան 2017թ. դեկտեմբեր ամսվա Արցախի Հանրապետության էկոնոմիկայի և արտադրական ենթակառուցվածքների նախարարության պատվիրակության Հայաստանի Հանրապետության տեղեկատվական տեխնոլոգիաների ոլորտի մի շարք կազմակերպությունների աշխատանքային այցին, մարտի 15-ին ՀՀ տրանսպորտի, կապի և տեղեկատվական տեխնոլոգիաների նախարարի տեղակալ Ամալյա Եղոյանն ու Ձեռնարկությունների Ինկուբատոր Հիմնադրամի (EIF) տնօրեն Բագրատ Ենգիբարյանն աշխատանքային այցով ժամանել են Արցախ: Այս մասին հայտնում են ԱՀ էկոնոմիկայի և արտադրական ենթակառուցվածքների նախարարության մամլո ծառայությունից:
Պատվիրակությանը ընդունել է ԱՀ էկոնոմիկայի և արտադրական ենթակառուցվածքների նախարար Լևոն Գրիգորյանը: Նախարարը ողջունելով հայաստանյան գործընկերներին՝ շնորհակալություն է հայտնել շարունակական համագործակցության համար. «Մենք միշտ բարձր ենք գնահատում ձեզ հետ համագործակցությունը, և այսօր արդեն Արցախում մենք կփորձենք ներկայացնել ձեզ ինչ ենք արել մեր վերջին հանդիպումից հետո և նախանշենք հետագա անելիքները առաջիկա ամիսներին: Կփորձենք ներկայացնել ձեզ նաև օրինագծերի փաթեթը, որը որ մենք ներկայացրել ենք կառավարության քննարմանը, կցանկանայինք լսել նաև օրինագծերի մասով Հայաստանում կատարված աշխատանքների փորձը»:
ՀՀ տրանսպորտի, կապի և տեղեկատվական տեխնոլոգիաների նախարարի տեղակալ Ամալյա Եղոյանն պաշտոնը ստանձնելուց հետո առաջին աշխատանքային այցն է կատարում Արցախ, այնինչ նրա հետ համագործակցությունը տարիների պատմություն ունի. «Մենք Արցախի հետ համագործակցում ենք արդեն երկար տարիներ, դեռևս 2009թ. տարրաբնույթ տեխնոլոգիական ոլորտի ծրագրեր ենք իրականացնում և եղել է շփումը տեղի երիտասարդության հետ, ինֆորմատիկա ուսուցիչների հետ: Այսօր շատ ուրախալի է, որ նախարարության կողմից կա նախաձեռնություն հզորացնել, զարգացնել ոլորտը և Հայասատանի փորձը բերել դեպի Արցախ, այն է կրթություն - բիզնես կապի շնորհիվ նպաստեղ աշխատատեղերի ստեղծմանը, արտագաղթի կանխմանը ու նաև հնարավորությունների ուղղորդմանը դեպի Արցախ»,- ասել է Ա. Եղոյանը:
Ձեռնարկությունների Ինկուբատոր Հիմնադրամի (EIF) տնօրեն Բագրատ Ենգիբարյանը փորձելով համեմատել Արցախում ՏՏ ոլորտի զարգացման առաջին տարիներն ու ներկան հայտնեց. «Եթե 2-3 տարի առաջ Արցախում շատ քչերն էին հավատում, որ ինֆորմացիոն տեխնոլոգիաները կարող են դառնալ իրականություն այսօր արդեն կարող ենք նշել, որ առաջին քայլերն շատ հաջող են իրականանում: Մենք ունենք արտասահմանյան կապիտալով ստեղծված կազմակերպություններ, որտեղ որ աշխատում են եռեսունից ավել մասնագետներ և դա ոգևորում է ոչ միայն Կառավարությանը այլ նաև երիտասարդ սերնդին, որ Արցախում կարելի է ապրել, աշխատել, ստանալ շատ բարձր աշխատավարձ և զբաղվել ինտելեկտուալ աշխատանքով»:
Պատվիրակության այցի հաջորդ կանգառն Արցախի տեղեկատվական տեխնոլոգիաների կենտրոնն էր:
Լրահոս
Տեսանյութեր
Եթե Ադրբեջանը վստահ է, ինչո՞ւ է դատական գործընթացները դադարեցնելու մասին գաղափար առաջ քաշում
