Բաթումում այսօր մեկնարկում է Եվրոպայի շախմատի անհատական առաջնությունը

Սպորտ 17:09 17/03/2018 Հայաստան

Բաթումում այսօր մեկնարկում է Եվրոպայի շախմատի անհատական առաջնությունը

Այսօր Վրաստանի Բաթում քաղաքում մեկնարկում է շախմատի Եվրոպայի տղամարդկանց անհատական առաջնությունը: Աշխարհամասի գլխավոր ստուգատեսը հավաքել է ներկայացուցչական կազմ. առաջնության 304 մասնակիցների թվում են 135 գրոսմայստեր:

Հայաստանի շախմատային ֆեդերացիայի պաշտոնական կայքից տեղեկանում ենք, որ մրցաշարում առաջին դասակարգված շախմատիստն է Ռուսաստանի ներկայացուցիչ Դմիտրի Յակովենկոն: Մասնակիցների թվում են նաև հանրահայտ գրոսմայստերներ Վասիլի Իվանչուկը, Դավիդ Նավարան, Ռադոսլավ Վոյտաշեկը, Ֆրանցիսկո Վալեխոն, Մաքսիմ Մատլակովը, Ռուսլան Պոնոմարյովը, Իվան Չեպարինովը, Էռնեստո Ինարկիևը:

Մրցաշարում Հայաստանը կներկայացնեն Հայաստանի հավաքականի անդամներ Գաբրիել Սարգսյանը, Հրանտ Մելքումյանը և Հայկ Մարտիրոսյանը, գրոսմայստերներ Արտաշես Մինասյանը, Սերգեյ Մովսեսյանը, Ռոբերտ Հովհաննիսյանը, Արման Փաշիկյանը, Մանուէլ Պետրոսյանը, Սամվել Տեր-Սահակյանը, Արման Միքայելյանը և Վահե Բաղդասարյանը:

Եվրոպայի տղամարդկանց առաջնությանը կմասնակցի նաև Հայաստանի կանանց հավաքականի առաջատար, գրոսմայստեր Էլինա Դանիելյանը:

Ընդհանուր առմամբ մեկնարկի դուրս կգա Հայաստանի 34 պատվիրավ:

2018 թվականի շախմատի Եվրոպայի անհատական առաջնությունը ընտրական փուլ է աշխարհի գավաթի հաջորդ խաղարկության համար: Ըստ ՖԻԴԵ-ի կանոնադրության և Շախմատի Եվրոպական Միության խորհրդի որոշման՝ ընտրվելու են 23 մասնակից:

Մրցաշարի ժամանակացույց

16 մարտի		Մասնակիցների ժամանում
	19:00	Բացման արարողություն
	21:00	Տեխնիկական խորհրդակցություն
17 մարտի	15:00	1-ին տուր
18 մարտի	15:00	2-րդ տուր
19 մարտի	15:00	3-րդ տուր
20 մարտի	15:00	4-րդ տուր
21 մարտի	15:00	5-րդ տուր
22 մարտի	15:00	6-րդ տուր
23 մարտի		Հանգստյան օր
24 մարտի	15:00	7-րդ տուր
25 մարտի	15:00	8-րդ տուր
26 մարտի	15:00	9-րդ տուր
27 մարտի	15:00	10-րդ տուր
28 մարտի	11:00	11-րդ տուր
28 մարտի	20:00	Փակման արարողոություն
29 մարտի		Մեկնում

Տեքստում սխալ կամ վրիպակ նկատելու դեպքում, ուղարկեք խմբագրին հաղորդագրություն` նշելով տվյալ սխալը, այնուհետև սեղմելով Ctrl-Enter: