Ձեր վստահելի աղբյուրը

«Սա պատմության մեջ ռուս հետախուզության ծառայությունների ներկայացուցիչների ամենամասշտաբային կոլեկտիվ արտաքսումն է»,-ասել է Մեծ Բրիտանիայի վարչապետ Թերեզա Մեյը։
Ի պատասխան Մեծ Բրիտանիայի Սոլսբերի քաղաքում ՌԴ նախկին հետախույզ Սերգեյ Սկրիպալի և նրա դստեր՝ Յուլիայի, թունավորման, որում մեղադրվում է Ռուսաստանի կառավարությունը, 23 պետություն որոշում է կայացրել արտաքսել ռուս դիվանագետներին իրենց երկրներից։ 23 երկրներից 16-ը ԵՄ անդամներն են, ԱՄՆ-ը, Կանադան, Ուկրաինան, Նորվեգիան ու Ալբանիան։ Այս երկրների համաձայնեցված գործողությունները, որպես համերաշխության նշան, մեծ հաղթանակ է Բրիտանիայի համար։

Այսպես, Մեծ Բրիտանիան արդեն արտաքսել է 23 ռուս դիվանագետների, որին ի պատասխան Ռուսաստանի Դաշնությունը ևս իր երկրից արտաքսեց նույն թվով բրիտանացի դիվանագետների։

Եվրոպական միության անդամ երկրներ
Խորվաթիա․ Վարչապետ Անդրեյ Պլենկովիչը հայտարարեց, որ երկրից կարտաքսցվի  1 դիվանագետ։

Չեխիա․ Չեխիայի վարչապետ Անդրեյ Բաբիսն ու ԱԳ նախարարը հայտարարեցին, որ արտաքսում են 3 ռուս դիվանագետի։

Դանիա․ ԱԳՆ-ն հայտարարել է, որ 2 դիվանագետ կարտաքսվի։ «Մենք ուս-ուսի կանգնած ենք Բրիտանիայի հետ ու բացահայտորեն Ոչ ենք ասում Ռուսաստանին, երբ այն սպառնում է ու ձգտում ստվերել արևմտյան արժեքներն ու կանոնը՝ հիմնված միջազգային կարգերի վրա»,-ասել է ԱԳ նախարար Անդերս Սամուելսոնը։

Էստոնիա․ ԱԳ նախարարը հայտնել է, որ երկրից վտարվում է 1 դիվանագետ։

Ֆինլանդիա․ ԱԳ նախարարությունը հայտնել է 1 դիվանագետի արտաքսման մասին։

Ֆրանսիա․ԱԳ նախարար Ժան-Իվ Լը Դրիանը հայտարարել է 4 դիվանագետների արտաքսման մասին, ովքեր պետք է երկրիրը լքեն 1 շաբաթվա ընթացքում։ Դրիանը նշել է, որ  Սոլսբերիում տեղի ունեցածը «լուրջ սպառնալիք է մեր կոլեկտիվ անվտանգության համար» և որ Ֆրանսիան գործում է «ի համերաշխություն բրիտանացի գործընկերների հետ»։

Գերմանիա․ԱԳ նախարարը հայտնել է 4 դիվանագետների արտաքսման մասին։ «ԵՄ-ի ու ՆԱՏՕ-ի դաշնակիցների հետ սերտ համագործակցության արդյունքում Գերմանիան որոշել է խնդրել 4 ռուս դիվանագետների լքել Գերմանիան 7 օրվա ընթացքում»,-ասվել է ԱԳ նախարարության հայտարարության մեջ։

Հունգարիա․ ԱԳՆ-ն հայտարարել է 1 դիվանագետի արտաքսման մասին՝ նշելով, որ այդ դիվանագետը նաև իրականացրել է հետախուզական գործունեություն։

Իտալիա․ ԱԳՆ-ն հայտնել է 2 ռուս դիվանագետի արտաքսման մասին՝ «որպես համերաշխություն Մեծ Բրիտանիային՝ համաձայնեցված ԵՄ և ՆԱՏՕ-ի գործընկերների հետ»։

Լատվիա․ ԱԳՆ-ն հայտնել է 1 դիվանագետի և 1 քաղաքացու արտաքսման մասին, ով ղեկավարում է Ռիգայում ռուսական մասնավոր ընկերությունը։

Լիտվա․ԱԳ նախարար Լինաս Լինկևիչյուսը հայտնել է 3 դիվանագետի արտաքսման մասին՝ «ի համերաշխություն Մեծ Բրիտանիային՝ կապված Սոլսբերիում տեղի ունեցածի հետ»։ Լիտվան նաև պատժամիջոցներ կկիրառի ևս 21 անձանց ու կարգելի 23 մարդու մուտքը երկիր։

Նիդերլանդներ․ Վարչապետ Մարկ Ռուտեն հայտարարել է 2 դիվանագետի արտաքսման մասին՝ նշելով, որ քիմիական զենքն անթույլատրելի է։

Լեհաստան․ ԱԳՆ-ն հայտնել է, որ կարտաքսի 4 դիվանագետի ու նշել, որ հարձակումը ցույց տվեց, որ «նման սպառնալիքն առկա է ԵՄ և ՆԱՏՕ-ի երկրների յուրաքանչյուր տարածքում ու քաղաքացիների նկատմամբ»։

Ռումինիա․ ԱԳՆ-ն հայտնել է 1 դիվանագետի արտաքսման մասին։

Իսպանիա․ԱԳՆ-ն հայտնել է 2 դիվանագետի արտաքսման մասին՝ կրկին նշելով, որ «Սոլսբերիի հարձակումը ծայրահեղ լուրջ զարգացում է ու վտանգ է ներկայացնում ընդհանուր անվտանգությանն ու միջազգային իրավունքին»։

Շվեդիա․ԱԳՆ-ն նշել է 1 դիվանագետի արտաքսման մասին։

ԵՄ անդամ չհանդիսացող երկրներ
Ալբանիա․ ԱԳՆ-ն հայտնել է 2 ռուս դիվանագետի արտաքսման մասին՝ նշելով, որ նրանց գործունեությունը չի համապատասխանել դիվանագիտական կարգավիճակին։

Մակեդոնիա․ Երկրից արտաքսվում է 1 դիվանագետի։

Ավստրալիա․Կառավարության հայտարարության մեջ ասվում է 2 դիվանագետի արտաքսման մասին՝ «իրենց կարգավիճակին չհամապատասխանող գործողությունների համար՝ համաձայն Վիեննայի կոնվենցիայի»։

Կանադա․Օտտավան հայտնել է 4 ռուս դիվանագետների արտաքսման մասին, ովքեր հնարավոր է հետախույզներ են «կամ անհատներ, ովքեր օգտագործել են իրենց դիվանագիտական կագավիճակը՝ խաթարել Կանադայի անվտանգությունը կամ միջամտել մեր ժողովրդավարությանը»։ Կանադան նաև մերժել է ՌԴ անձնակազմը ևս 3-ով համալրելու դիմումները։

Նորվեգիա․ ԱԳՆ-ն հայտնել է 1 ռուս դիվանագետի արտաքսման մասին։ ԱԳ նախարարը նշել է, որ «Սոլսբերիի հարձակումը լուրջ հարց է ու պետք է հետևանքներ ունենա»։
Ուկրաինա․ Նախագահ Պորոշենկոն հայտարարել է 13 ռուս դիվանագետների արտաքսման մասին՝ նշելով, որ «Ռուսաստանը կրկին վերահաստատեց իր արհամարհական վերաբերմունքը անկախ երկրների ինքնավարության ու մարդկային կյանքի արժեքի նկատմամբ»։

ԱՄՆ․ Սպիտակ տունը հայտնել է 60 ռուս դիվանագետների արտաքսման մասին, ովքեր, ըստ էության, հետախույզներ են ու նաև հայտարարել Սիեթլում ՌԴ հյուպատոսության փակման մասին։ Արտաքսվող 60 դիվանագետներից 48-ն աշխատում են Վաշինգտոնում ՌԴ դեսպանությունում, 12-ը Նյու Յորքում՝ ՄԱԿ-ում։

Այսպես, որպես համերաշխության նշան՝ Մեծ Բրիտանիային են միացել ևս 23 երկիր ու ընդհանուր առմամբ արտաքսել 140 դիվանագետի։