Ձեր վստահելի աղբյուրը

Արցախի Հանրապետության Նախագահ Բակո Սահակյանն այսօր անց է կացրել աշխատանքային խորհրդակցություն` հանրապետության շրջվարչակազմերի ղեկավարների և Ստեփանակերտի քաղաքապետի մասնակցությամբ:

ԱՀ նախագահի աշխատակազմի տեղեկատվության գլխավոր վարչությունից հայտնում են, որ խորհրդակցության ընթացքում քննարկվել է շրջանների և մայրաքաղաքի զարգացման ծրագրերին առնչվող հարցերի լայն շրջանակ:

Հատուկ ուշադրություն է դարձվել սոցիալ-տնտեսական հարցերի լուծմանը, հանրապետությունում իրականացվող գյուղատնտեսական աշխատանքների, ինչպես նաև կապիտալ շինարարության ընթացքին:

Երկրի ղեկավարը խորհրդակցության մասնակիցներին հանձնարարականներ է տվել քննարկված հարցերին պատշաճ և համակարգված լուծում տալու ուղղությամբ:

Խորհրդակցությանը մասնաել է պետնախարար Արայիկ Հարությունյանը, պաշտոնատար այլ անձինք: