Ձեր վստահելի աղբյուրը

Բելառուսի նախագահ Ալեքսանդր Լուկաշենկոն հանձնարարել է բելառուսական կաթի  ու գյուղատնտեսական ապրանքների համար ռուսական շուկայի այլընտրանք գտնել: Այս մասին գրում է «Վեդոմոստի»-ն:

«Արտահանման համար գտեք այլ շուկաներ: Եթե Ռուսաստանը մեզ չի հասկանում և չի ուզում հասկանալ, ինչևէ նախագահ Պուտինի հետ կհանդիպենք երդմնակալությունից հետո, մանրամասն կքննարկենք բոլոր հարցերը: Եթե նրանք որոշել են մեզ անընդհատ ներքաշել ինչ-որ անհասկանալի բաների մեջ, ապա մենք էլ մեր երջանկությունն այլ տեղ կփնտրենք»,-ասել է նա:

Բելառուսի նախագահն ընդգծել է, որ չի կարելի անընդհատ նստել մի շուկայում: Լուկաշենկոն նշել է, որ առաջնորդվելու են իրենց շահերով, սակայն դրանք չպետք է հասակսեն ռուսների շահերին:

«Մենք նրանց վատ բան չենք անի»,-ասել է նա:

Լուկաշենկոն ասել է, որ կաթի մատակարարման  վերաբերյալ փաստաթղթերը դեռ չեն ստորագրվել, կողմերը շարունակում են բանակցությունները: