«Գառնի»-ն կհանրահռչակվի Իտալիայում

Մշակույթ 16:23 03/04/2018 Հայաստան

Իտալացի հայտնի ջութակահար ու ալտահար Մարկո Միշանիայի և ճանաչված օպերային երգիչ, «Զվարթնոց» կվարտետի գեղարվեստական ղեկավար Տիգրան Կոնինյանի՝ «Գառնի» հեթանոսական տաճարում նկարահանված «Արևի երգը` Արևի աստծո տաճարում» տեսահոլովակը ուղղված է Իտալիայի հասարակությանը:

ՀՀ Մշակույթի նախարարության «Պատմամշակութային արգելոց-թանգարանների և պատմական միջավայրի պահպանության ծառայություն»պետական ոչ առևտրային լազմակերպությունից մանրամասնում են, որ համատեղ տեսահոլովակ նկարահանելու նախաձեռնությունը «Պատմամշակութային արգելոց-թանգարանների և պատմական միջավայրի պահպանության ծառայություն» ՊՈԱԿ-ի տնօրեն Արա Թարվերդյանինն է: Իտալացի երաժիշտի հետ օրերս կայացած հանդիպման ընթացքում կազմակերպության ղեկավարը բարձրաձայնել է իր մտահղացման մասին: Մարկո Միշանիան մեծ ոգևորությամբ է արձագանքել առաջարկին, ինչից հետո համաձայնություն է ձեռք բերվել հայտնի ջութակահարի երևանյան համերգի կազմակերպիչ «Կամերային երաժշտության ազգային կենտրոն»-ի տնօրենության հետ:

Հայ-իտալական գործակցությունը միտված է «Գառնի» հենթանոսական տաճարի հանրահռչակմանը, նաև՝ հայկական մշակութային ժառանգության հանդեպ իտալացի զբոսաշրջիկների մոտ հետաքրքություն առաջացնելուն:

Տիգրան Կոնինյանը և նրա ղեկավարած «Զվարթնոց» կվարտետը «Պահպանության ծառայություն» ՊՈԱԿ-ի լավագույն բարեկամն են: Տեղացի այցելուները և օտարերկրացի զբոսաշրջիկները «Զվարթնոց» կվարտետի անզուգական կատարումները հաճախ կարող են ունկնդրել «Պահպանության ծառայություն» ՊՈԱԿ-ի մասնաճյուղ՝ «Զվարթնոց» պատմամշակութային արգելոց-թանգարանում:

Մ. Միշանիայի և Տ. Կոնինյանի համատեղ աշխատանքը շուտով կներկայացվի հասարակության դատին:

Հարակից հրապարակումներ`

Տեքստում սխալ կամ վրիպակ նկատելու դեպքում, ուղարկեք խմբագրին հաղորդագրություն` նշելով տվյալ սխալը, այնուհետև սեղմելով Ctrl-Enter: