Ձեր վստահելի աղբյուրը

Հանրապետական խմբակցության անդամ Մարգարիտ Եսայանի կարծիքով, այսօր հայաստանցիները պետք է շնորհավորեն միմյանց:

«Պետք է շնորհավորենք ու մաղթենք, որ հանրապետության համար սկսվի նոր ժամանակ՝ առավել հաջողակ, առավել արդյունավետ, որ մեր ժողովուրդը, հասարակությունն այսօրվանից սկսած միայն առաջընթաց ունենա»,-ասաց ԱԺ հատուկ նիստին շտապող պատգամավորը:

Նախկինում լրագրող աշխատած Եսայանից Մարզահամերգային համալիրի դիմաց աշխատող լրագրողները հարցրեցին, թե ինչ  գնահատական կտա փաստին, որ լրագրողների մուտքը համալիր չի թույլատրվում:

«Որևէ արտառոց բան տեղի չի ունենալու, որ դուք չեք տեսնելու: ԱԺ-ում շատ հարամարվետ աշխատանքային պայմաններ են ստեղծված, էկրաններից կարող եք հետևել արարողությանը»,-ասաց նա:

Դիտարկմանը, թե վերջին շրջանում լրագրողների առաջ փակվում են բոլոր դռները, Հանրապետական պատգամավորն ասաց. «Երբևէ չմտածեք, որ որևէ մեկը լրագրողների առաջ դռները է փակում, եթե նման բան լինի, առաջին պայքարողներից մեկը ես կլինեմ»:

Մանրամասները՝ տեսանյութում: