Ձեր վստահելի աղբյուրը

«Վաղը, երբ կվավերացնենք համաձայնագիրը, մենք փաստացի կմտնենք մի փուլ, երբ այդ հռչակված և-և-ի երկրորդ կոմպոնենտը նույնպես իր ամբողջությամբ կմտնի ուժի մեջ»,- այսօր խորհրդարանում «ՀՀ` մի կողմից, Եվրոպական միության և ատոմային էներգիայի եվրոպական համայնքի ու դրանց անդամ պետությունների` մյուս կողմից, միջև համապարփակ և ընդլայնված գործընկերության» համաձայնագրի վավերացման մասին հարցի քննարկման ժամանակ իր ելույթում ասաց ՀՀԿ-ական պատգամավոր Կարեն Բեքարյանը։

Պատգամավորի խոսքով՝  մի բան է համաձայնագիրն ունենալը, մի այլ բան է դրա իրականացման խնդիրը և այդ իրականացման առումով բոլորն անխտիր ունենալու են շատ մեծ անելիք։

«Չի կարելի զգոնությունը թուլացնել՝ հաշվի առնելով այն հանգամանքը, որ կա բանակցվող փաստաթուղթ Ադրբեջանի հետ։ Ես ինքս շատ հուսով եմ, որ Եվրոպական միությունը չի գնա այլ կառույցների կամ երկրների ճանապարհով, որոնք մեկի հետ բանակցելի մի փաստաթուղթ են ունենում, հակասող փաստաթուղթ՝ մյուսի հետ բանակցելիս»,- ասաց նա։

Ինչ վերաբերում է քաղաքական կամքին, Կարեն Բեքարյանն ասաց, որ իշխանության քաղաքական կամքի արդյունքն է, որ այսօր այս հարցն ԱԺ-ում քննարկվում է, նաև այն, որ վաղը կմտնեն վավերացման գործընթաց։

Բեքարյանի ելույթն ամբողջությամբ՝ տեսանյությում։