ԱՆ. Կարևորվել է աջակցությունը ՄԻԱՎ վարակի, վիրուսային հեպատիտ Ց-ի բուժման և կանխարգելման ծրագրերին
Ներկայումս Հարավային Կովկասի տարածաշրջանում իրականացնում են ՄԻԱՎ վարակի և վիրուսային հեպատիտ Ց-ի կանխարգելմանն ուղղված ծրագրեր առավել ռիսկային խմբերի շրջանում: Այս մասին հայտնել են «Աշխարհի բժիշկներ» (Medecines du Monde) ֆրանսիական միջազգային կազմակերպության Վրաստանի ներկայացուցչության անդամները Երևանում առողջապահության փոխնախարար Սերգեյ Խաչատրյանի հետ հանդիպմանը:
Հանդիպմանը մասնակցել են առաքելության ղեկավար Էլիզաբեթ Ավրիլը և ընդհանուր համակարգող Վերոնիկ Միոլենը, ինչպես նաև ՁԻԱՀ-ի կանխարգելման հանրապետական կենտրոնի տնօրեն Սամվել Գրիգորյանը:
«Աշխարհի բժիշկներ» կազմակերպությունը գործունեություն է ծավալում Ֆրանսիայում և աշխարհի 64 երկրում` իրականացնելով առողջապահական ծառայությունների համընդհանուր հասանելիության ապահովմանն ուղղված բժշկական նորարարական ծրագրեր ու նախաձեռնություններ: Հիմնական ուղղություններից են ՄԻԱՎ վարակին հակազդումը և միգրանտներին ու փախստականներին աջակցությունը:
ԱՆ-ից նաև հայտնում են, որ հանդիպման ընթացքում քննարկվել են Հայաստանում նմանատիպ ծրագրերի իրականացման հնարավորությունը։
Էլիզաբեթ Ավրիլը և Վերոնիկ Միոլենը նշել են, որ Վրաստանում վիրուսային հեպատիտ Ց-ի էլիմինացիայի ծրագրին աջակցելու նպատակով իրականացվում է պիլոտային ծրագիր ուղղված թմրամիջոցների ներարկային օգտագործողների շրջանում հեպատիտ Ց-ի հայտնաբերմանը, հիվանդության փուլի և լյարդի ախտահարման աստիճանի որոշմանը, բուժումը սկսելու համար շարժառիթի ձևավորմանը, բուժման ուղղորդմանն ու կրկին վարակվելու կանխարգելմանը:
Սերգեյ Խաչատրյանն «Աշխարհի բժիշկներ» կազմակերպության ներկայացուցիչներին առաջարկել է իրենց հետաքրքրությունների շրջանակում աջակցել ՄԻԱՎ վարակի, վիրուսային հեպատիտ Ց-ի բուժման և կանխարգելման ծրագրերին։ Մասնավորապես, կարևորվել են պացիենտների համապատասխան տվյալների բազայի ստեղծմանը և վարմանը, հեպատիտ Ց-ով պացիենտների հայտնաբերմանը, բնակչության շրջանում հեպատիտ Ց-ի տարածվածության որոշմանն ուղղված միջացառումների անցկացումը:
Լրահոս
Տեսանյութեր
Հայաստանի ու հայ ժողովրդի շահերը պաշտպանող իշխանություն գոյություն չունի. Բագրատ Սրբազան
