Ձեր վստահելի աղբյուրը

Հանրապետության հրապարակում մեկնարկել է հանրահավաքը: Մինչ ելույթները ընթերցեցին կալանավորված Տիգրան Մազմանյանի նամակը.

«Չգիտեմ՝ դեռ ինչքան կգտնվեմ անազատության մեջ, բայց կասեմ մի բան՝ գլուխներդ բարձր, դուխներդ՝ տեղը, հաղթանակը լինելու է»:

«Ելք» խմբակցության պատգամավոր, «Քաղաքացիական պայմանագիր» կուսակցության անդամ Արարատ Միրզոյանն իր ելույթում հայտարարեց, որ ըստ իրենց հասած տեղեկություններով բուհերում դասերին չեն մասնակցել տասնյակ հազարավոր ուսանողներ:

«Պակերացրեք, բուհերը դատարկ են, բուհերում են միայն ուսխորհուրդիկները և բազեիկները»,-ասաց նա, ավելացնելով, որ տասնյակ հիմնարկներ աջակցություն են հայտնել իրենց:

Շինարար, իրավաբան, «Ելք»-ի մամուլի խոսնակ Տիգրան Ավինյանի ներկայացմամբ, Լոս Անջելեսից ժամանած Մուշեղ Մուրադյանը հայտարարեց, որ իր ընկերոջ՝ Գագիկի հետ ժամանել են Երևան մասնակցելու «համաժողովրդական աննախադեպ զարթոնքին»:

«Ես էլ, Գագիկն էլ արդեն 20 տարի ապրում ենք ԱՄՆ-ում: Շփվել ենք Հայաստանից արտագաղթած բազմաթիվ երիտասարդների հետ, նրանց աչքերում տեսել ենք կարոտ, տագնապ, անհնագստություն: Մենք եկել ենք, որպեսզի այդ  անհագստությունն ու տագնապը վերածվեն լույսի ու հույսի, եկել ենք որ ընդգծենք այս շարժման խաղաղ բնույթը, մեր աջակցությունը հայտնելու երիտասարդներին ու հայրենակիցներին»,-հայտարարեց նա: