Ձեր վստահելի աղբյուրը

«Այս բոլոր օրերի ընթացքում իմ ընտանիքի հետ հետևում էի ձեզ, ապրում էի հույսով, որ 88-ի շարժումը ճիշտ էր: 88-ի անկախությունը ճիշտ էր, որովհետև միասնական էր»,-այս մասին հանրահավքում հայտարարեց երգիչ Արամոն:  Նա բեմում էր կնոջ՝ երգչուհի Էմմա Պետրոսյանի հետ:

«Ես հպարտ եմ Էմմայի հետ, որ ունեմ ձեզ, ուրախ եմ, որ կարողացաք արթնացնել այն զանգերի ձայնը, որը լուռ էր, այն զանգերը, որոնք ղողանջում են մեր ապագայի համար»,-հայտարարեց նա:

Մինչ այդ ելույթ ունեցավ Երևանի ավագանու «Ելք» խմբակցության անդամ Զարուհի Բաթոյանը, ներողություն խնդրեց Արցախի ազգային հերոս Ռոբերտ Աբաջյանի ընտանիքից՝ անհայտ տղամարդուն որպես նրա պապիկ ներկայացնելու ու ելույթի ձայն տալու համար:

Նա շնորհակալություն հայտնեց շարժմանը մասնակից կանանց, ասաց, հետագայում կանայք մասնակցելու են որոշումների կայացմանը:

«Շնորհակալ եմ սիրելի կանայք ու աղջիկներ, այսօր ժամը 23-ին շերեփներով  հարվածում ենք կաթսաներին»,-ասաց նա: