Ձեր վստահելի աղբյուրը

«Մենք քաղաքական օրակարգում որևիցէ սահմանափակում չենք դնում, չենք էլ դրել: Կարծում եմ, որ ըստ դրա, մեր քաղաքական կուսակցությունները, իշխանությունն օրենքի սահմաններում նստեն քննարկեն, եթե իրենք որոշեն, որ արտակարգ ընտրությունների անհրաժեշտություն կա, որոշեն այն ժամկետները, որպեսզի բոլորը լինեն հավասար խաղի կանոններում, ըստ դրա կշարժվենք առաջ »,-լրագրողների հետ ընթացող հանդիպմանը հայտարարեց վարչապետի պաշտոնակատար Կարեն Կարապետյանը:

Նրա խոսքով, եթե այսպես շարունակվի մենք ունենալու ենք տնտեսական խնդիրներ:

«Զբոսաշրջիկները չեն գալիս, ինվեստորները վերադառնում են, մենք ունենք զորակոչ, ունենք բազմաթիվ խնդիրներ, ապակայուն վիճակը մեր երկրին օգուտ տալ չի կարող: Ես խնդրում եմ մեր երկրի բոլոր քաղաքացիներին՝ տատիկներին, պապիկներին, ծնողներին, ուսանողներին մաքսիմալ սթափ մտածել, ինչ ենք մենք ուզում: Ես շատ եմ գնահատում և հարգում մեր քաղաքացիների կամքը, կարծիքն ու դժգոհությունը: Ըստ դրա, մենք արդեն համապատասխան արձագանք տվել ենք, բավարարվել են կետեր, մենք հայտարարում ենք քաղաքացիական օրակարգ, հայտարարում ենք, որ քաղաքական ուժերը հանդիպելու են, թողնենք, թող քաղաքական ուժերը նստեն քննարկեն, մեկս մյուսի վրա ճնշում չգործադրենք:

Սրանք էին իմ անհանգստությունները: Ես ռեգուլյար ձեռքս պուլսի վրա եմ պահում, և տեսնում եմ, ինչքանով է նվազում զբոսաշրջիկների թիվը, բիզնեսմենների հետաքրքրությունը: Մենք գալու ենք մի վիճակի, երբ տնտեսական աճը բարձրացնելը  բավականին դժվար է լինելու»,-ասաց Կ. Կարապետյանը: