Ձեր վստահելի աղբյուրը

«Ես մտավախություն ունեմ, որ իրավիճակը կրկին կլարվի: Ես նաև դրա լուծումն ունեմ: Առաջարկել եմ, որ բոլոր քաղաքական ուժերը նստեն ու բանակցեն Սահմանադրության, խաղի կանոնների դաշտում: Չփորձենք մեկս մյուսին կամք թելադրել: Չափազանց անհրաժեշտ է  վերադառնալ բնականոն կյանքին: Մենք սրանից լավ բան չենք ունենալու»,-լրագրողների հետ այսօրվա հանդիպմանը հայատարարեց վարչապետի պաշտոնակատար Կարեն Կարապետյանը:

Նրա խոսքով, այս առաջարկության վերաբերյալ ինքը խոսել է Հանրապետության նախագահ Արմեն Սարգսյանի հետ: Բացի հայտարարությունից, Արմեն Սարգսյանը նաև հեռախոսազրույցներ ու հանդիպումներ է ունենալու քաղաքական ուժերի ներկայացուցիչների հետ:

«Ես հույս ունեմ, որ քաղաքացիները կդրդեն քաղաքական ուժերին երկխոսել ու լուծումներ գտնեն, եթե լուծումներ չգտնենք, մենք պրոբլեմներ ենք ունենալու բոլոր ոլորտներում»,-ասաց նա: