Ձեր վստահելի աղբյուրը

Շիրակի մարզկենտրոն Գյումրի մեկնելու ճանապարհին հակաիշխանական հավաքի առաջնորդ, ԱԺ պատգամավոր Նիկոլ Փաշինյանի ավտոշարասյունը կանգ առավ մի քանի բնակավայրերում:

Նրան այստեղ դիմավորում են դհոլ զուռնայով, գյուղերից մեկում էլ  փորձեցին գառ մորթել ոտքերի տակ: Փաշինյանը թույլ չտվեց՝ հորդորելով գառին իր հոտի հետ արոտի ուղարկել:

Նրան շրջապատած բնակիչներն անընդհատ բացականչում էին՝ «Նիկոլ վարչապետ», «հաղթանակ»:
Մինչ այդ դհոլ զուռնային, երգ ու պարով, համբույրներով նրան դիմավորել էին Արագածոտնի մարզի Ուջան համայնքում:

Փաշինյանին այսօր ուղեկցում է դերասանուհի Արսինե Խանջյանը: Նա նշեց, որ տպավորված է ընդունելությամբ.

«Տպավորություններս այնքան հուզիչ են, բայց այնքան զորավոր: Չեմ կարող պատկերացնել, եթե Հայաստան չգայի, նման տոնախմբության ներկա չէի լինի»:

Հիշեցնենք, որ երեկ Երևանում կայացած հանրահավաքի ժամանակ Փաշինյանը հայտարարեց, որ այսօր հանարահավաք են անցկացնելու Գյումրիում, իսկ վաղը՝ Վանաձորում: