Ձեր վստահելի աղբյուրը

ԱԺ արտաքին հարաբերությունների մշտական հանաձնաժողովի նախագահ Արմեն Աշոտյանի՝  վարչապետի թեկնածու Նիկոլ Փաշինյանին ուղղված հարցերը ԵԱՏՄ-ի կազմում մնալ-չմնալու մասին էին: Աշոտյանը հանդիպման ընթացքում ընթերցեց Փաշինյանի՝ նախկինում արած մի քանի հայտարարություններ.

«ԵԱՏՄ-ում մնալու միակ հիմնավորումը շանտաժն է, գազը կանջատեն, թուրքերին բաց կթողնեն մեզ վրա», 2017 սեպտեմբերի 27
«ԵԱՏՄ-ն Հայաստանին բացի վնասից օգուտ չի բերել», 2017թ. սեպտեմբերի 27
««Ելք»-ը  իշխանությկուններին 10-ով երկու հաղթեց ԵԱՏՄ-ից դուրս գալու փաստարկներով» 2017, հոկտեմբերի 3
«ԵԱՏՄ անդամակցությունից հետո Հայաստանը տարածքներ է կորցրել» 2017, հոկտեմբերի 3»:

Սրանք ընթերցելուց հետո Աշոտյանը հետաքրքրվեց, թե ի՞նչ է փոխվել վեց ամսվա ընթացքում, որ նման գնահատականներ այլևս չեն հնչում, արդյոք մտադիր է զրոյացնել ԵՄ հետ ստորագրված համաձայանգիրը և առաջ անցնելով, ստորագրել նոր համաձայնագիր:

«Հիշեցնեմ, որ նորը կհակասի ԵԱՏՄ կազմի մեջ մտնելու պայմանագրին»,-ասաց Աշոտյանը:
Փաշինյանը նշեց, որ հիմա նոր քաղաքական իրողություն է, յուրաքանչյուրը պետք է հաշվի նիստի, դրանց համատեքստում կազմակերպի իր ծառայությունը պետությանն ու ժողովրդին:

«Ընդհանրապես ասեմ, որ մեր շարժման հետ կապված՝ ռուսամետ, արևմտամետ, սխալ է, քանի որ այն կա ու կշարունակի մնալ հայամետ, սա մաքուր հայկական շարժում է»,-ասաց Փաշինյանը:

Ինչ վերաբերում է ԵՄ-ի հետ հարաբերություններին, ապա Փաշինյանն ասաց, որ զարգացնելու են հարաբերությունները բոլոր գործընկերների հետ, բայց դա չեն անելու մեկը մյուսի հաշվին:
«Որևէ ուղղությամբ պոտենցիալը ճշգրիտ և ամբողջությամբ չի օգտագործված, ըստ էության մենք կփորձենք դա անել»,-ասաց վարչապետի թեկնածուն: