Ձեր վստահելի աղբյուրը

«Շատ բարդ է այսօր զգալ, տեսնել, պատկերացնել ճիշտ լուծումը՝ հաշվի առնելով, թե մենք ինչ իրավիճակ ունենք, որը իմ գործընկերը՝ Փաշինյան Նիկոլը անվանում է ճգնաժամը, և այդ ճգնաժամից դուրս գալու իրավիճակ է՝ լիցքաթափումը, թե խորացում»: Այս մասին ԱԺ-ում իր ելույթում հայտարարեց Հանրապետական խմբակցության անդամ Կարեն Բեքարյանը:

Նրա խոսքով,  գործընկերները ճիշտ են, երբ ասում են երկրում կա էներգետիկա, երիտասարդների կողմից նոր շունչ ստացած շարժում:

«Ես ուզում եմ՝ սա միանգամից ամրագրել, ամրագրել նաև այդ հարթակում հավաքված երիտասարդության համար, այո, այդ էներգիան կա: Հիմա այդ էներգիան կառուցողական կլինի, մեր երկիրը առաջ տոնղ կլինի, սրա պատասխանը խնդիր ունենք միասին հասկանալու»,-ասաց պատգամավորը:

ՀՀԿ-ական պատգամավորը նշում է, որ կա սեր և համերաշխություն կա այդ պայծառ երիտասարդների մեջ, ինչը չի կարելի ասել սոցցանցերի մասին, որտեղ առկա է ատելության ու թշնամանքի սերմանում:

«Սարսափելի վիճակ է: Մենք զգում ենք, որ հերթական անգամ մի հատ ջրբաժան գիծ գծել, սև ու սպիտակներով շարժվել, Հանրապետականն աշխարհի ամենաչար ուժն է, գամված է իր աթոռներին: Ժողովուրդ, լավ էլի, ամեն ինչ այդքան պա՞րզ է ու պարզունա՞կ»,-ասաց պատգամավորը:

Հեռակա դիմելով հրապարակում հավաքվածներին, Բեքարյանը նշեց. «Ժողովուրդ, այստեղի ելույթներին ուշադիր եղեք, ովքե՞ր են միացել այդ շարժմանը: Ձեր ջինջ ու լավագույն նպատակներով շարժմանը ովքե՞ր են միացել: Էսօր ովքե՞ր են խոսում ընտրակաշառքի մասին, տարաբնույթ եղանակներով հարցեր լուծելու մասին:  էդ ի՞նչ եղավ, մի ակնթարթում բոլորը  մաքրվե՞ցին, բոլորի հետ կապված ամեն ինչ մոռացա՞ք: Մի հատ շուրջներդ նայեք՝ ինչ նպատակներով ինչ տիպի հավաքված զանգված կա: Ես այս հարցը տալ, զգում է պատասխանատվության այդ ջինջ պահելու համար, եթե կա, կունենա հնարավորություն դա անելու համար»:

Բեքարյանը զգուշացրեց պղտոր ջուր ձուկ որսացողների, դափնիները գողացողների տխուր պրակտիկայի մասին:

«Լկտի ձևերով տուրք տալով մոդային, տուրք տալով այն բանին, որ հողը ոտքերի տակից գնում է, րոպեների տարբերությամբ հայտարարություններ անելով միանում են ձեզ: Մի հատ նայեք՝ երբ են միացել, մի հատ խրոնոլոգիան նայեք, երեխեք, էդ հեշտ է նայել, որ պահին, երբ զգացողություն է եղել, երբ ուժերի տարաբաշխումը շեղվե՞ց»,-ասաց նա:

Բեքարյանը հիշեցրեց ցունամիով ու զենքով սպառնացողների մասին, հարցրեց, էդ ցունամին ում վրա պետք է գա. «Էս մեր էդ սիրո, համերաշխության, զարթոնքի գործիքնե՞րն են»:
Որպես վերլուծաբան նա կարծիք հայտնեց, որ ԵԱՏՄ-ից դուրս գալու մասին հայտարարություն անելն ու դրանից հրաժարվելը վստահություն է կորել, բալանս է խախտվել ոչ միայն Հայաստանի ներսում, այլև ուժային կենտրոնների մոտ:

«Պե՞տք է նկարագրել, դա ինչ կբերի: Երեխեք,  դուք դրա համար եք սա սկսել: Դուք ձեր բոլոր դժգոհությունները բերել եք հասցրել եք ձեր ուղերձին: Ես շատ ուղղակի ուզում եմ ասել, ձեր ուղերձը տեղ հասել է, այսուհետ որևէ իշխանություն չի կարողանալու էն արատաներին լինի անտարբեր, տեսնելով ձեր էներգիան: Բայց արժե արդյոք ինչ-որ տարաբնույթ պաստառների ներքո երկիրը տանել հասցնել մի այլ եզրի, վստահ եմ, որ ձեզնից ոչ մեկ դա չի ուզում»,-ասաց Կ. Բեքարյանը:

Նրա խոսքով, քվեարկության ժամանակ Հանրապետական խմբակցությունը կանգնելու է ջրբաժանի առաջ՝ ներքին ճգնաժամի պրոբլեմ ու արտաքինի առաջացման պրոբլեմ:

«Փորձեք դա հասկանալ, դա ահավոր կարևոր է: Կարծում եմ՝ կա լուծում: Ես կարծում եմ, «ելք»-ի մեր գործընկերները ինձ հասկանում են, շատ դեպքերում փակագծեր չեմ կարող բացել»,- ասաց նա ու որպես լուծման հավանական տարբերակ նշեց Փաշինյանի կողմից ինքնաբացարկի հայտնումը, աշխարհին միասնական ուղերձ տալը:

«Միգուցե սա պետք է մտածենք, հակառակ պարագայում չկա լավ ընտրություն, կա ընտրություն վատի ու ավելի վատի մեջ: Էս երկիրը, որ խորհրդարանական է դառնում իր մշակույթով, էսօր լրիվ ուրիշ վտանգների դաշտ է մտել: Ճիշտ հասկացեք, դա աթոռների վտանգը չի ու անձանց սիրել չսիրելու վտանգը չի»,-ասաց նա: