Ձեր վստահելի աղբյուրը

ՀՀ Կենտրոնական բանկը ՀՀ սահմանադրության և ՀՀ ԿԲ մասին օրենքի համաձայն անկախ ապաքաղաքական, պրոֆեսիոնալ մարմին է, որն ունի երկու հիմնական գերնպատակ, գների կայունությունը և ֆինանսական կայունությունը:

Այսօր որոշ լրատվական միջոցներում և սոցցանցերի օգտատերերի շրջանակներում մտահոգություններ են առաջացել կապված փոխարժեքի և ավանդատուների կողմից ավանդների վաղաժամկետ դադարեցման հետ կապված:

ԿԲ-ից այս կապակցությամբ հայտնում են լրատվամիջոցներին, անհանգիստ քաղաքացիներին և հանրությանը, որ Հայաստանի Հանրապետության ֆինանսական համակարգը գործուն, կայացած համակարգ է, բանկերը ունեն բարձր լիկվիդայնություն /իրացվելիություն/, կանխիկի խնդիր համակարգում առկա չէ, պահուստները գտնվում են պատմականորեն ամենաբարձր մակարդակում:

«Ավելին հորդորում ենք բոլորիին ցուցաբերել զսպվածություն և ապատեղեկատվություն չտարածել, բոլոր նմանատիպ լուրերը, չճշտված տեղեկությունները թելադրում են անհանգիստ վարքագիծ, ինչի արդյունքում տուժում են շարքային քաղաքացիները և նրանց ֆինանսական միջոցները:

ՀՀ ԿԲ-ն վերահսկում է իրավիճակը և ունի բավարար գործիքակազմ ՀՀ ֆինանսական համակարգում կայունություն ապահովելու համար: Կրկին անգամ հորդորում ենք բոլորին ցուցաբերել հանգստություն և ապատեղեկատվության արդյունքում չցուցաբերել անհանգիստ վարքագիծ»,-ասված է ԿԲ հաղորդագրության մեջ: