Ձեր վստահելի աղբյուրը

Կառավարության նիստի նախօրեին Նիկոլ Փաշինյանը վարչապետի պաշտոնում կատարել է առաջին նշանակումը: Նա որոշում է ստորագրել Էդուարդ Աղաջանյանին ՀՀ  վարչապետի աշխատակազմի ղեկավար նշանակելու մասին:

«Հիմք ընդունելով «Հանրային ծառայության մասին» Հայաստանի Հանրապետության օրենքի 9-րդ հոդվածի 13-րդ մասը՝

Էդուարդ Աղաջանյանին նշանակել Հայաստանի Հանրապետության վարչապետի աշխատակազմի ղեկավար»,-ասված է կառավարության պաշտոնական էջում հրապարակված որոշման մեջ:

Նա Երևանի ավագանու «Ելք» խմբակցության անդամ է:

Ծնվել է 1988թ. oգոստոսի 29-ին Երևանում։

2005 թ. ավարտել է «Կուպալյան» մասնավոր վարժարանը։
2012 թ. ստացել է բակալավրի կոչում՝ Մոնակոյի միջազգային համալսարանի բիզնես ադմինիստրացիայի ֆակուլտետ։
2016թ. ստացել է մագիստրոսի կոչում՝ Մոնակոյի միջազգային համալսարանի ֆինանսական ակտիվների կառավարման ֆակուլտետ։
2014 -2017թթ. զբաղվել է անհատ ձեռնարկատիրությամբ՝ հանրային սննդի կազմակերպման ոլորտում։