Ձեր վստահելի աղբյուրը

Երևանի քաղաքապետարանի դիմաց երկու տարբեր խմբեր  բողոքի ակցիա են իրականացնում: Մի խումբը, որը հայտարարում է՝  իր քաղաքապետը Տարոն Մարգարյանն է,  կանգնել ու փակել է քաղաքապետարանի գլխավոր մուտքի դուռը՝ թույլ չտալով քաղաքացիներին ներս մտնել: Մյուս խումբը դեմ է քաղաքապետին, պահանջում է նրա հրաժարականը:

«Տարոն, դուխով» բացականչություններին հաջորդում են «Հեռացիր, ագրեսոր»-ը:
Լրագրողները Մարգարյանի աջակիցներից հետաքրքրվում են, թե որտեղ են աշխատում, ճի՞շտ է, որ նրանք համատիրությունների, թաղապետարանների, դպրոցների աշխատակիցներ են:Պատասխանը՝  «մենք Երևանի բնակիչ ենք, Տարոնը մեր քաղաքապետն է»:

Սա հիշեցնում է Տարոն Մարգարյանի՝ թեկնածուականի պաշտպանության զավեշտալի պատմությունը տնտեսագիտության համալսարանում, երբ մի խումբ ուսանող-«սաքուլիկներ» փակել էին լրագրողների մուտքը շենք, ու հարցին՝ «ի՞նչ իրավունքով եք փակում մեր մուտքը, մենք լրագրող ենք», պատասխանում էին՝ «մենք էլ ենք լրագրող»: