Ձեր վստահելի աղբյուրը

Մայիսի 19-ին տեղի կունենա արքայազն Հարրի և Մեգան Մարքլի հարսանեկան արարողությունը:
BBC-ին 60 վայրկյան տևողությամբ տեսանյութում ներկայացրել է արքայական հարսնացուի մասին որոշ փաստեր: Առաջին փաստն այն է, որ Մեգանը թագավորական ընտանիքի պատմության մեջ եղած բոլոր հարսնացուներից մեծ է, առաջին ամերիկացին է, ոչ սպիտակամաշկն ու դերասանը, որ ամուսնանում է բրիտնական արքայազնի հետ:

Նշենք, որ նախկինում շատերը կարծում էին, որ այս ամուսնությունը ճիշտ չէ, իսկ դրա պատճառները, հանրության կարծիքով, մի քանիսն են:

Առաջինը՝ Մեգանն արդեն մեկ անգամ ամուսնացած է եղել: Այն, որ իր ապագա հարսը ամուսնալուծված է, բնավ դուր չէր եկել Բրիտանիայի թագուհի Եղիսաբեթին, սակայն Հարրին չէր զիջել տատիկին։

Նշվում է նաև, որ Մեգան Մարքլը ոչ միայն արիստոկրատուհի չէ, այլև անգլուհի չէ:  Նա ամերիկուհի է, սերիալների աստղ։

Պատճառներից մեկն էլ այն է, որ Մեգանը մեծ է Հարրիից։ Իհարկե, տարիքային տարբերությունը երեք տարի է, սակայն բրիտանացի արքայազները սովորաբար իրենցից տարիքով կանանց են ընտրում։

Նշվում է նաև, որ Մեգանի մայրը աֆրոամերիկուհի է, իսկ թագավորական ընտանիքում աֆրոամերիկյան արմատներով հարս դեռ չի եղել։