Ձեր վստահելի աղբյուրը

«Չե՞ք կարծում, որ արժե օր առաջ ազատվել հեռուստաեթերից հեռարձակվող գողական ժարգոն, ընտանեկան բռնություն ցուցադրող սերիալներից»,- ԱԺ-ում հարցուպատասխանի ժամանակ ՀՀ մշակույթի նորանշանակ նախարար Լիլիթ Մակունցին հարցրեց «Ելք» խմբակցության պատգամավոր Հրաչյա Հակոբյանը։

Նախարարը նշեց, որ անելիքներ ունեն, և ոչ միայն իրենց նախարարությունը, այլև կրթության և գիտության նախարարությունը։

«Պետք է փորձենք հասկանալ ինչ մեխանիզմներով, ինչ բանակցային համագործակցային ձևաչափերով կարելի է որոշակի քաղաքականություն հրամցնել այդ ոլորտում»,- ասաց Մակունցը։

Պատգամավորը արձագանքեց. «Կցանկանայի նաև, որ մի փոքր աշխատեիք նաև այն ուղղությամբ, որպեսզի թատրոններում դերասանների և ռեժիսորների աշխատավարձերը բարձրանային այնքան, որպեսզի նրանք կարիք չունենային նկարվելու սերիալներում»։

Նախարարն ի պատասխան ասաց. «Միասին պիտի աշխատենք»։