Ձեր վստահելի աղբյուրը

Արքայազն Հարրին և նրա կինը՝ Մեգան Մարքլը, ընտանեկան զույգի կարգավիճակում առաջին անգամ ներկայացել են հանրությանը: Երեքշաբթի օրը նրանք թեյախմության են մասնակցել Բուքինգհեմյան պալատում, որը նվիրված էր արքայազն Չարլզին, գրում է BBC-ին:

Արքայազն Չարլզի 70-ամյա հոբելյանի առթիվ թագավորական ընտանիքը մի շարք հանդիսավոր միջոցառումներ է անցկացնում, որոնցից մեկին էլ մասնակցել են նորապսակները:

Արքայազնի Չարլզի ծննդյան օրը նոյեմբերի 14-ին է: Բրիտանիայի թագաժառանգի 70-ամյակի նախաշեմին Բուքինգհեմյան պալատի այգում տեղի է ունեցել թեյախմություն: Ընդունելությանը մասնակցել է բարեգործական կազմակերպությունների ավելի քան 6 հազար ներկայացուցիչ, որոնց օժանդակում են Չարլզը և նրա կինը՝ Քամիլան:

Այս օրերին Բրիտանիայում հարգանի տուրք են մատուցում մեկ տարի առաջ  Մանչեսթրում տեղի ունեցած պայթյունի զոհերի հիշատակին: Այդ պատճառով Բուքինգհեմյան պալատ են հրավիրել նաև այն փրկարարներին, որոնք օգնություն են ցույց տվել ահաբեկչությունից տուժածներին:

Դիմելով հյուրերին՝ արքայազն Հարրին հայտարարել է լռության րոպե՝ ի հիշատակ Մանչեսթրում կատարված հարձակման զոհերի:

Այնուհետև նա մեծ ջերմությամբ պատմել է բարեգործական աշխատանքում իր հոր վարակիչ էնեգիայի, խանդավառության մասին:

Նշենք, որ արքայազն Հարրիի և Մեգանի հարսանիքը տեղի է ունեցել շաբաթ օրը Վինձորում: Նորապսակները դեռ հարսանեկան ճանապարհորդության չեն մեկնել: Նրանց հանգստի վայրը գաղտնի է պահվում: