Ձեր վստահելի աղբյուրը

«Ռուսաստանի դիրքորոշումն անփոփոխ է»,-այս մասին հայտարարել է Ռուսաստանի արտաքին գործերի նախարար Սերգեյ Լավրովը՝  ասուլիսում ներկայացնելով Հայաստանի ԱԳ նախարար Զոհրաբ Մնացակայանի հետ հանդիպման արդյունքները:

Անդրադառնալով Արցախի՝ բանակցությունների սեղան վերադառնալու հնարավորության մասին հարցին, Լավրովը նշել է, որ Ռուսաստանը հանդես է գալիս խնդիրը ԵԱՀԿ Մինսկի խմբի, որի անդամներ են նաև Հայաստանն ու Ադրբեջանը, միջոցով լուծելու օգտին:

«Համոզված ենք, որ դա օպտիմալ ձևաչափն է: Մենք՝ որպես ԵԱՀԿ Մինսկի խմբի համանախագահող երկիր, ամերիկացի ու ֆրանսիացի գործընկերների հետ վարում ենք շահագրգիռ ու չհակասող ուղղություն՝ ստեղծելու այնպիսի պայմաններ, որոնք թույլ կտան Բաքվին ու Երևանին հասնել պայմանավորվածության»,-ասել է Լավրովը:

Ռուսաստանի ԱԳ նախարար խոսքով, այդ աշխատանքը շարունակվում է մի քանի տարի, եղել են տարբեր փուլեր:

«Որոշ փուլերում, ի դեպ, Լեռնային Ղարաբաղի ներկայացուցիչները մասնակցել են այդ գործընթացին, ապա կողմերի պայմանավորվածության արդյունքում ձևաչափը փոխվել է և այնպիսին է, ինչպիսին  կա»,-ասել է ՌԴ արտաքին քաղաքական գերատեսչության ղեկավարը:

Նրա խոսքով, եթե կողմերը որևէ փուլում պայմանավորվեն, որ  Լեռնային Ղարաբաղը նորից ներկայացված կլինի բանակցություններում, ապա դա կլինի նրանց որոշումը:

«Մենք կհարգենք այդ որոշումը»,-նշել է Լավրովը: