Ձեր վստահելի աղբյուրը

Ազգային ժողովի ՀՅԴ խմբակցության պատգամավոր Ռուզաննա Առաքելյանն այսօր ԱԺ-ում նոր կառավարության ծրագրի քննարկման ժամանակ վարչապետ Նիկոլ Փաշինյանից հետաքրքրվեց ժողովրդագրական խնդիրների լուծման ուղիներից ու ձեռնարկվող քայլերից։

«Ժողովրդագրական խնդիրները, բացի հայրենադարձությունից, կարելի է լուծել նաև ընտանիքի նկատմամբ մեր վերաբերմունքով։ Ես ինքս չորս երեխա ունեմ և հույս ունեմ, որ սա տարածված օրինակ կդառնա Հայաստանում։ Էդմոն Մարուքյանն էլ արդեն երրորդ երեխան ունեցավ։ Սա նույնպես կարևոր է, որ ընտանիքի վրա հիմնված հասարակություն և պետություն ունենալով այդ խնդիրը լուծենք»,- ասաց վարչապետը։

Ինչ վերաբերում է հայրենադարձության խնդրին՝ վարչապետը նշեց, որ հայրենադարձությանը մշտապես  խանգարել է կոռուպցիան, ինչի վերացմանն է ուղղված իրենց գործունեությունը։

Պատգամավորը Փաշինյանից հետաքրքվեց մարզերի համաչափ զարգացման հայեցակարգից։

«Պետք է պոտենցիալ ներդրողներին ուղղորդենք մարզեր, որպեսզի մարզերը զարգացման նոր շունչ ու թափ ստանան»,- ասաց Փաշինյանը։