Ձեր վստահելի աղբյուրը

Պաշտոնական Կիևը դեսպաններ չունի 16 երկրներում:

UNN-ի փոխանցմամբ,  Ուկրաինայի ԱԳ  նախարարությունը հրապարակել է այդ երկրների ցանկը` Հայաստան, Ռուսաստան. Ղրղզստան, Հունաստան, Դանիա, Էստոնիա,  Լատվիա, Իռլանդիա, Խորվաթիա, Չեռնոգորիա, Շվեյցարիա, Եթովպիա, Պերու, Հարավաֆրիկյան Հանրապետություն, Ալժիր, Կուբա:

ԱԳՆ-ն նշել է, որ արտասահմանում դիվանագիտական ներկայացուցչության ղեկավար նշանակեը երկարատև ու մի քանի փուլից բաղկացած գործընթաց է` թեկնածուների ընտրութուն, նրանց թեկնածության վերաբերյալ նախագահի համաձայնություն,  ընդունող երկրներից ագրեմանի ստացում, նախագահի հրամանագրի պատրաստում:

Հիշեցնենք, որ այս պահին Ուկրաինայում ՀՀ դեսպանը Անդրանիկ Մանուկյանն է:Հայաստանում Ուկրաինայի գործերի ժամանակավոր հավատարմատարն է  Դենիս Ավտոնոմովը:

Ուկրաինայի և Հայաստանի Հանրապետության միջև դիվանագիտական հարաբերությունները հաստատվել են  1991թ. դեկտեմբերի 25-ին: 1993թ. հունվարին բացվել է Ուկրաինայում Հայաստանի դեսպանատունը, իսկ 1996թ. սեպտեմբերին հիմնվեց Հայաստանում Ուկրաինայի դեսպանությունը:

1996թ-ից 2001թ.' Ալեքսանդր Բոժկո, Հայաստանի Հանրապետությունում Ուկրաինայի արտակարգ և լիազոր դեսպան.
2002թ-ի մարտից' Վլադիմիր Տյագլո, Հայաստանի Հանրապետությունում Ուկրաինայի արտակարգ և լիազոր դեսպան.
2005թ-ի հունիսից' Ալեքսանդր Բոժկո, Հայաստանի Հանրապետությունում Ուկրաինայի արտակարգ և լիազոր դեսպան.
2010թ-ի սեպտեմբերից' Իվան Պետրովիչ Կուխտա, Հայաստանի Հանրապետությունում Ուկրաինայի արտակարգ և լիազոր դեսպան: