Ձեր վստահելի աղբյուրը

Այս հարցն է, որ վերջերս իրար են տալիս հայաստանցիները՝ Բելառուս-Ադրբեջան ճոխ բարեկամության նշումից ու Բելառուսի կողմից Ադրբեջանին «Պոլոնեզների» հնչեղ վաճառքից հետո: Ինչու Բելառուսը գտավ, որ Ադրբեջանին զենք վաճառելով խնդիրներ չի ունենա Հայաստանի հետ: Այդպես էլ Նիկոլ Փաշինյանի հետ զրույցում լրատվամիջոցների ներկայությամբ հավաստեց Լուկաշենկոն:

Համեմատենք տնտեսական համագործակցությունը՝ համառոտ.

Հայաստանի արտաքին առևտրաշրջանառության մեջ քիչ տեղ է զբաղեցնում Ասվում է, թե՝ Բելառուսի հետ առևտուրը, մինչդեռ երկու երկրների միջև կա  դեռևս չօգտագործված ներուժ...:

Հայաստանի Հանրապետության և Բելառուսի Հանրապետության միջև դիվանագիտական հարաբերությունները հաստատվել են 1993թ. հունիսի 12-ին: Ադրբեջանի հետ՝ մի օր շուտ՝ 1993 թվականի հունիսի 11-ից, իսկ 1994 թ-ից գործում է առևտրի ազատ գոտու համաձայնագիրը:

Հայաստանի՝ Բելառուսին բաժին ընկնող արտաքին առևտուրը 2013 թվականին կազմել է 0.8-0.9%՝  ՀՀ արտաքին առևտրի երկրների շարքում զբաղեցնելով 18-րդ տեղը:

Ադրբեջանի հետ Բելառուսի ապրանքաշրջանառությունը 2012 թվականի հետ համեմատած ընկել է՝  2012 թվին՝  223,3 մլն դոլար, 2013 թվին՝  290,4 մլն դոլար, 2014թվին՝  326,7 մլն դոլար, 2015 թվին՝  290,5 մլն դոլար, 2016 թվին՝  171,7 մլն դոլար, 2017 թվին՝ 160,8 մլն դոլար:

ՀՀ ազգային վիճակագրական ծառայության հրապարակած տվյալների համաձայն՝  Հայաստանի արտաքին առևտրաշրջանառությունը Բեռլառուսի  հետ 2016 թվականին կազմել է 36 մլն 711.6 հազար դոլար, 2017թ-ին՝  44 մլն 621.9 հազար դոլար՝  աճելով 21.5%, սակայն Բելառուսի տեսակարար կշիռը ՀՀ արտաքին առևտրում նախորդ տարի  կազմել է 0.7%:

Բելառուսը Ադրբեջան է արտահանում՝
տրակտորներ և բեռնատարներ
շաքար
կաթնամթերք
փայտամշակման արտադրանք
դեղեր
նավթամթերք
հաշվիչ մեքենաներ:

Բելառուսից Հայաստան է ներմուծվում՝
մեքենաներ և տրակտորներ
շինարարական և գյուղատնտեսական տեխնիկա, ինչպես նաև՝ դրանց պահեստամասեր
դեղորայք
պլաստմասաե իրեր
անվադողեր
փայտյա շինանյութ
գործվածքներ
ուժային շարժիչներ պոմպեր
խողովակներ
մալուխ և այլն:

Ադրբեջանը Բելառուս է արտահանում՝
նավթաքիմիայի արտադրանք
ալյումինե իրեր
ընկույզներ
թունդ ալկոհոլային խմիչքներ և գինի
հյութեր
մրգեր
գործվածքեղեն:
(Տվյալները Բելառուսի ԱԳՆ-ինն են՝ Բելստատ)

Հայաստանը Բելառուս է արտահանում
թունդ ոգելից խմիչքներ
հանքային ջրեր
քիմիական արդյունաբերության արտադրանք
դեղորայք
էլեկտրոտեխնիկական սարքավորումներ
տրանսֆորմատորներ:

Ինչպես տեսնում ենք՝ Ադրբեջանը, իր նվազած ապրանքաշրջանառությամբ տնտեսապես ավելի ցանկալի գործընկեր է Բելառուսի համար, թեև՝ արտահանվող ու ներմուծվող ապրանքատեսականին Հայաստան ու Ադրբեջան քիչ են տարբերվում իրարից:

Հիմնական տարբերությունը մտցրեց «Պոլոնեզը», ինչը սակայն արդեն կարիք ունի դիվանագիտական գնահատման: