Ձեր վստահելի աղբյուրը

«Իրատես» թերթը գրում է. «Նախանշվող արտահերթ խորհրդարանական ընտրություններին ընդառաջ շուտով իշխանության, ընդդիմության և քաղաքացիական հասարակության ներկայացուցիչները կսկսեն աշխատել ընտրական օրենսգրքում փոփոխություններ կատարելու վրա:

«Իրատեսին» հայտնի դարձավ, որ վարկանիշային՝ բաց ցուցակներով համամասնական ընտրակարգից հանրապետականները պատրաստ են հրաժարվելու:

«Հավանական է, որ վարկանիշայինից հրաժարվելուն խիստ չարտահայտվենք ու համաձայնենք դրանից ընդհանրապես հրաժարվելու՝ ներկա իշխանությունների ու քաղհասարակության պահանջի հետ: Խորհրդակցությունների արդյունքում կլինի վերջնական որոշում, բայց միտված ենք զիջելու այդ հարցում»,- ասաց ՀՀԿ-ական մեր զրուցակիցը:

«Նկատենք, սակայն, որ հայ օրենսդիրներին վարկանիշային ընտրակարգից հրաժարվելու «խորհուրդ» չէր տվել նույնիսկ Վենետիկի հանձնաժողովը՝ հաշվի առնելով խորհրդարանում մարզերից նույնպես պատգամավորներ ունենալու հանգամանքը»:

Մանրամասները թերթի այսօրվա համարում