Ձեր վստահելի աղբյուրը

«Ազգային ժողովը պետք է նպաստի, հնարավորություն տա նախաքննության մարմնին Մանվել Գրիգորյանի գործով բացահայտել գործի ողջ էությունը, և տեսնենք, ով է ոտնձգել սրբության սրբոցը մեր ժողովրդի»,- այսօր Ազգային ժողովում լրագրողների հետ զրույցում ասաց Հանրապետական խմբակցության պատգամավոր Գևորգ Կոստանյանը։

Նա վստահություն հայտնեց, որ իրավական տեսակետից, երբ քննություն իրականացվի, ամբողջությամբ կպարզվեն մեղավոր անձինք. «Ես ինքս կողմ եմ քվեարկելու Մանվել Գրիգորյանին անձեռնմխելիությունից զրկելու հարցին»։

Լրագրողների հարցին, թե «Հանրապետական» խմբակցությունը ևս չի կիսում այս հարցում պատասխանատվությունը, Կոստանյանը պատասխանեց. ««Հանրապետական» խմբակցությունը սրանով ցույց է տալիս, որ շահագրգիռ է, որ ցանկացած անձ, ով կոտնձգի մեր բանակին, մեր անձեռնմխելիությանը, մեր զորքին և զինվորին, անկախ նրանից՝ ով է այդ անձը, պետք է միանշանակ խստագույնս պատժվի»։