Ձեր վստահելի աղբյուրը

Ազգային ժողովի այսօրվա արտահերթ նիստում քննարկվում է պատգամավոր Մանվել Սեկտորի Գրիգորյանի նկատմամբ քրեական հետապնդում հարուցելուն և նրան ազատությունից զրկելուն համաձայնություն տալու մասին ՀՀ գլխավոր դատախազի միջնորդագրի քննարկում:

ԱԺ նախագահ Արա Բաբլոյանը նշեց, որ ըստ սահմանված կարգի, Մանվել Գրիգորյանը ևս պետք է ներկայացվի ԱԺ դահլիճ, սակայն նախօրեին նա նամակ է գրել իրեն խնդրել առանց իր ներկայության կողմ քվեարկել իրեն անձեռնմխելիությունից զրկելուն։

Միջնորդագիրը ԱԺ-ում ընթերցեց ՀՀ գլխավոր դատախազ Արթուր Դավթյանը։

Նա նաև ներկայացրեց Մանվել Գրիգորյանի կողմից իրեն մեղսագրվող հանցանքի կատարումը վկայող ապացույցները: Դատախազի խոսքով՝  Մանվել Գրիգորյանի տանն ու նրան պատկանող տարածքներում հայտնաբերվել են մեծաթիվ զենքեր, ռազմամթերք ու թանկարժեք մեքենաների հավաքածուներ, ինչպես նաև երկու տարի առաջ՝ ապրիլյան պատերազմի ժամանակ, բանակին որպես օգնություն ուղարկված շտապօգնության մեքենա, սնունդ, հագուստ ու այլ իրեր:

Խուզարկության արդյունքում հայտնաբերվել են դպրոցականների կողմից բանակի համար հավաքված օգնության տրցակներ՝ զինվորներին ուղղված նամակներով: Հայտնաբերվել է նաև «Զինվորի բաժին» գրությամբ սննդատեսակ, որը միայն բանակի համար է մատակարարվում: