Ձեր վստահելի աղբյուրը

Ամառային Բիզնես Դպրոց 2017-ի սաներն ուսումնական այց են կատարել Հայաստանում Beeline-ի կենտրոնական գրասենյակ և ծանոթացել ընկերության աշխատանքին։

Beeline Հայաստան հասարակայնության հետ կապերի ծառայությունից հակտնում են, որ շուրջ 40 երիտասարդ, ովքեր իրենց ապագան կապում են բիզնեսի կամ ՏՏ ոլորտի հետ, այցելել են ընկերության բաժանորդների սպասարկման կենտրոնը, հետևել են օպերատորների աշխատանքին, եղել են մարքեթինգի և PR-ի ծառայություններում, ինչպես նաև զրուցել են ընկերության Գլխավոր տնօրեն Անդրեյ Պյատախինի հետ։ 

Երիտասարդները տեսել են, թե ինչպես են ընկերությունում ստեղծվում պրոդուկտներն ու առաջարկները, ինչպես են ապահովվում հասարակայնության հետ կապերը և ծանոթացել են ընկերության աշխատակիցների առօրյայի ու աշխատանքային պայմանների հետ։

«Մենք միշտ ուրախ ենք տեսնել պայծառ երիտասարդ դեմքեր մեր գրասենյակում և շատ ենք գնահատում նրանց հետաքրքրությունը մեր ընկերության նկատմամբ։ Մենք երիտասարդներին փոխանցելու ահռելի փորձ ունենք և միշտ երջանիկ ենք դա անել այն հուսով, որ այդ գիտելիքները մի օր կծառայեն իրենց ապագա կարիերայի կառուցմանը և նրանց կյանքը կդարձնեն ավելի լավը», - նշել է Հայաստանում Beeline-ի Գլխավոր տնօրեն Անդրեյ Պյատախինը։

Ամառային Բիզնես դպրոցը ստեղծվել է 2017 թ․ ամռանն ակտիվ երիտասարդության համար։ Դպրոցի նպատակն է նրանց մոտ բիզնեսի հետ կապված հմտությունների ձևավորումը։ Դասընթացների շրջանակում մասնակիցներն այցելում են երկրի խոշոր ընկերություններ՝ գործնական կապեր ստեղծելու նպատակով։

Ամառային Բիզնես Դպրոցն արդեն անցկացնում է 2018 թ․ խմբի մասնակիցների հավաքագրումը։