Ձեր վստահելի աղբյուրը

«Այսօր ընդհանրապես պարզ չէ, ովքեր ու ինչ չափանիշնորով են որոշում սոցիալապես անապահով ընտանիքիների երեխաներին անվճար դասագրքերի տրամանդրման հարցը, ընդամենը ԿԳ նախարարի հրամանով  ծնողական խորհուրդներին է վերապահված, ինչն անթույլատրելի է»,- այսօր Մարդու իրավունքների պաշտպանի տարեկան հաղորդման ու զեկույցի վերաբերյալ աշխատանքային հանդիպման ժամանակ մտահոգություն  հայտնեց օմբուդսմեն Արման Թաթոյանը։

Նա հայտնեց, որ իրենք պայմանավորվածություն ունեն կԳ նախարարության հետ  համատեղ որքան հնարավոր է շուտ կարգ մշակել՝ անվճար դասագրքերի տրամադրման։

«Մենք ունենք դեպքեր, բողոքներ, երբ ծնողներն ամաչում են այդ հարցը բաձրացնել, քանի որ երեխան կարող է խարանի ենթարկվել, դասարանում կիմնան, որ երեխայի ծնողը կարիքավոր է չի կարողանում հոգալ անգամ դասագրքի կարիքները։ Հաճախ հակափաստարկներ են բերում ու ինձ ասում են՝ այդ դեպքում պետք է պայուսակն էլ անվճար լինի, կոշիկն էլ, բայց դա ծայրահեղություն է, դասագիրքը անհրաժեշտություն է: Եթե կոշիկ, պայուսակ չունենա երեխան, էլի կարող է գնալ դպրոց, բայց առանց դասագրքի գնալ չի կարող, դասագիրքը բացառիկ նշանակություն ունի, այն ափոխարինելի է և ուղիղ ազդում է որակյալ կրթության վրա»,- նշեց Թաթոյանը։

Անդրադառնալով հաշմանդամություն ունեցող անձանց իրավունքներին՝ օմբուդսմենը նշեց, որ միայն թեքահարթակ կառուցելով չի նշանակում, որ հաստատությունը հարմարեցված է նրանց. «Պետք է մանրամասն հաշվի առնել հաշմանդամության բոլոր տեսակները»։

Նա շեշտեց այն կարծրատիպերը, թե դպրոցներում ծնողներ կան, որ չեն ուզում իրենց երեխաների հետ հաշմանդամություն ունեցող երեխա սովորի. «ՄԻՊ գրասենյակը բողոքներ է ստանում հաշմանդամություն ունեցող երեխայի ծնողից, օրինակ, այսկերպ՝ «երեխայիս հետ զբոսնում եմ, մարդիկ շատ երկար նայում են՞»։