![](https://panorama.am/news_images/658/1971264_1/140.thumb.jpg)
Աշոտ Արսենյանը դուրս է գալիս Հանրապետական կուսակցությունից ու խմբակցությունից
Աժ պատգամավոր Աշոտ Արսենյանը տարածել է հայտարարություն, ըստ որի դադարեցնում է իր անդամակցությունը Հանրապետական կուսակցությանը և խմբակցությանը:
«Հարգելի՛ հայրենակիցներ, արդեն երկար ժամանակ է, ինչ Ջերմուկի, Գնդեվազի, Կեչուտի բնակիչները փակել են Ամուլսարի հանք տանող ճանապարհը՝ պահանջելով դադարեցնել հանքի շահագործումը։ Ես՝ որպես Վայոց Ձորի մարզից ընտրված պատգամավոր, անհանգստանալով ստեղծված իրավիճակից՝ մի քանի անգամ հանդիպում եմ ունեցել ճանապարհը փակած քաղաքացիների հետ, խնդրել, հորդորել եմ, որ չխոչընդոտեն հանքի աշխատանքներին։
Ինչպես տեղյակ եք, արդեն վարչապետի որոշմամբ աշխատանքային խումբ է ստեղծվել հանքի շուրջ ստեղծված հարցի լուծման համար։ Սակայն բողոքի ակցիայի մասնակիցները որևէ կերպ չեն համաձայնել առաջարկվող պահանջներին։
Ես կարծում եմ, որ երկկողմանի բանակցություններին խոչընդոտում է նաև այն հանգամանքը, որ ես հանդիսանում եմ Հանրապետական կուսակցության անդամ եւ ՀՀԿ խմբակցության պատգամավոր։ Ուստի, որպեսզի այս հարցը քննարկվի ավելի անկաշկանդ մթնոլորտում, առաջիկայում լուծում գտնվի հանքի աշխատանքների չխոչընդոտման համար, ես որոշում եմ կայացրել հրաժարվել Հանրապետական կուսակցության և խմբակցության անդամ լինելուց, մնալ անկախ պատգամավոր, որպեսզի քաղաքացիների հետ անկաշկանդ բանակցությունների շնորհիվ կարողանանք ճիշտ լուծում գտնել։
Բազմիցս ՀՀ վարչապետ Նիկոլ Փաշինյանը հորդորել է քաղաքացիներին ճանապարհների փակման ձևաչափով ՀՀ-ում սաբոտաժ չստեղծել։ Ես միանում եմ վարչապետի կոչին։
Հարգելի՛ հայրենակիցներ, ես եւս մեկ անգամ հորդորում եմ բացել հանք տանող ճանապարհը և թույլ տալ, որ հանքի աշխատողները անցնեն իրենց բնականոն աշխատանքներին՝ մինչև Կառավարությունը լուծում կգտնի այդ հարցի շուրջ»,-ասված է պատգամավորի հայտարարության մեջ:
Հարակից հրապարակումներ`
- Նահապետ Գևորգյանը՝ խմբակցությունը լքելու մասին
- Սեյրան Սարոյանը մտադիր չէ լքել ՀՀԿ խմբակցությունը
- Պատգամավոր Արայիկ Հարությունյանը չի պատրաստվում լքել ՀՀԿ խմբակցությունը
- Արման Սահակյանը լքում է ՀՀԿ խմբակցությունը
- Շիրակ Թորոսյանը հայտարարեց Հանրապետական խմբակցությունից դուրս գալու մասին
- Պատգամավոր Արթուր Գևորգյանը դուրս է գալիս Հանրապետական կուսակցությունից ու խմբակցությունից
Լրահոս
Տեսանյութեր
![Թուրքիան ու Ադրբեջանն այլևս միասնական իրողություն են դրանից բխող բոլոր հետևանքներով. Մելքոնյան](https://panorama.am/video_images/17/50811_1/mela_6760_thumb_v1_thumb_v1_thumb.thumb.jpg)
Թուրքիան ու Ադրբեջանն այլևս միասնական իրողություն են դրանից բխող բոլոր հետևանքներով. Մելքոնյան