Ձեր վստահելի աղբյուրը

The Guardian պարբերականը, վկայակոչելով նոր ուսումնասիրության արդյունքները,  գրում է, որ   «Ֆիլիպ Մորրիս» ընկերության  IQOS համակարգն անվնաս չէ, ինչպես պնդում է արտադրողը:

Ըսկ Tobacco Control ամսագրում հրապարակված նոր հետազոտության,   ծխողները արագացնում են իրենց շունչն ավելի շատ նիկոտին կլանելու համար, քանի որ ծխախոտի գլանակը տաքացված մնում է միայն 6 րոպե, որից հետո սարքը անջատվում է և պետք է այն կրկին լիցքավորել: Իսկ դա նշանակում է նրանք կարող են ներքաշել մեծ քանակությամբ գոլորշի:

Philip Morris-ը հրապարակել է սարքի ազդեցության առնչությամբ իր սեփական փորձերի արդյունքները, սակայն ինչպես ասում են ուսումնասիրության հեղինակները, ովքեր Կալիֆորնիայի համալսարանից են, այս ուսումնասիրությունները տեղ են գտել մի ամսագրում, որը կարող է թերի վերլուծություն կատարած լինել: Նրանք  ընդգծել են iQOS-ի ազդեցության  անկախ գնահատման անհրաժեշտությունը:

Չնայած որ էլեկտրոնային գլանակը ծուխ չի արտադրում, պարզվել է, որ ծխախոտի փականը պիրոլիզի արդյունքում մասամբ այրվում է:  Ըստ հետազոտողների, այրումը ավելի ուժեղ է, երբ յուրաքանչյուր գլանակ օգտագործելուց հետո այն մանրակրկտորեն չի մաքրվում, ինչից կարելի է ենթադրել, որ մնացորդների կուտակումը և հեղուկը բարձրացնում է  պիրոլիզի ջերմաստիճանը:

«IQOS- ը ամբողջությամբ առանց ծխի այրվող համակարգով աշխատող ծխախոտային արտադրանք չէ: Այս ուսումնասիրությունը ցույց է տալիս որ IQOS- ը այդքան էլ անվտանգ չէ, որքան պնդում են, և միևնույն ժամանակ շեշտում է նրա անվտանգության փորձարկման հրատապ անհրաժեշտությունը, քանի որ այս արտադրանքը օգտագործողների թիվն արագն աճում է», - ասում են նրանք:

Սարքը պարունակում է պլաստմասե պոլիմերային թաղանթով ֆիլտր որը նպատակ ունի հովացնել գոլորշին: Ըստ ուսումնասիրության, տաքանալու հետևանքով թաղանթը հալվում է չնայած որ այն անմիջապես չի հպվում տաքացուցիչին:

Հիշեցնենք, որ դրանք վաճառվում են նաև Հայաստանում: