Ձեր վստահելի աղբյուրը

Սիրիան խնդրանքով դիմել է ՄԱԿ-ին՝ դադարեցնել գումար ծախսել երկրում իրավիճակի մասին տեղեկատվություն հավաքելու և զեկույցներ գրելու համար, դրա փոխարեն սկսել իրական օգնություն ցույց տալ ժողովրդին։ Ռիա նովոստիի հաղորդմամբ, այս մասին նշված է ՄԱԿ-ում Սիրիայի մշտական ներկայացուցիչ Բաշար Ջաաֆարիի նամակում։

«Սիրիական կառավարությունը կրկին հայտարարում է այն մասին, որ Անվտանգության խորհուրդը պետք է դադարեցնի ամենամսյա զեկույցների հրապարակումը, քանի որ դրանք միայն մեկ նպատակ ունեն՝ ծառայել Սիրիայի հանդեպ թշնամաբար տրամադրված մի շարք երկրների համար որպես միջոց նրա դեմ սադրիչ և զրպարտիչ գործունեության իրականացման համար»,- նշված է նամակում։

Բացի այդ, ՄԱԿ-ում մշտական ներկայացուցիչը նշել է, որ ՄԱԿ-ի անվտանգության խորհուրդը պետք է դադարեցնի մարդկային և ֆինանսական ռեսուրսների վատնումը, որոնք կարելի է օգտագործել սիրական ժողովրդին իրական, այլ ոչ թե պատրանքային օգնություն  ցույց  տալու համար։

«Այդ ամենամյա զեկույցների փոխարեն պետք է կազմել եռամսյակային, որոնք աչքի կընկնեն պրոֆեսիոնալիզմով և վստահություն կներշնչեն»,- նշել է Ջաաֆարին։