Պոլանսկու կինը հրաժարվել է դառնալ «Օսկար» մրցանակաբաշխության Ակադեմիայի անդամ

Մշակույթ 14:55 09/07/2018 Աշխարհում

Ֆրանսիացի դերասանուհի Էմանուել Սենյեն, հայտնի ռեժիսոր Ռոման Պոլանսկու կինը, հրաժարվել է ընդգրկվել «Օսկար» մրցանակաբշխության Ակադեմիայի՝ Կինոարվեստի և գիտությունների ամերիկյան ակադեմիայի կազմում։ ՏԱՍՍ-ի հաղորդմամբ, դերասանուհին նման որոշում է ընդունել որպես բողոքի նշան նրա, որ ավելի վաղ Ակադեմիան իր անդամների կազմից հանել էր հենց Ռոման Պոլանսկուն, կապված նրա նկատմամբ հարուցված քրեական գործերի հետ։ Այդ մասին Էմանուել Սենյեն հայտարարել է բաց նամակով, որը հրապարակվել է փարիզյան Le Journal du Dimanche թերթում։

«Կինոարվեստի և գիտությունների ամերիկյան ակադեմիան ֆեմինիզացիայի շրջանակներում առաջարկել է ինձ, ինչպես նաև այլ դերասանուհիների միանալ իրենց։ Ես ինքս արդեն վաղուց ֆեմինիստ եմ, բայց միևնույն ժամանակ ես չեմ կարող անտեսել այն, որ մի քանի շաբաթ առաջ Ակադեմիան հեռացրել է իմ ամուսնուն՝ Ռոման Պոլանսկուն, նույնպես, ըստ երևույթին, ժամանակի ոգուն համապատասխանելու համար: Եվ սա այն նույն Ակադեմիան է, որը 2003 թվականին նրան «Լավագույն ռեժիսոր» անվանակարգում շնորհել էր «Օսկար» «Դաշնակահար» ֆիլմի համար»,- հայտարարել է դերասանուհին։

Ակադեմիան ենթադրում է, որ ես ինչ-որ դերասունուհի-կարիերիստ եմ, կմոռանամ, որ արդեն 29 տարի ամուսնացած եմ աշխարհի մեծագույն կինոռեժիսորներից մեկի հետ։ Ես սիրում եմ նրան, նա իմ ամուսինն է, իմ երեխաների հայրը։ Ակադեմիայի ինչ-որ անտեսանելի անդամներ ենթադրում են, որ ես կհամաձայնվե՞մ «բարձրանալ փառքի աստիճաններով» իմ ամուսնու մեջքի հետևում։ Սա պարզապես անընդունելի կեղծավորություն է»,- ասել է նա՝ Ակադեմիայի առաջարկը համարելով «վիրավորական»։

Միաժամանակ Սենյեն ընդգծել է, որ Պոլանսկին զղջում է 40 տարի առաջ կատարվածի համար։

Հիշեցնենք, որ ԱՄՆ-ում Պոլանսկուն մեղադրում են 1977 թվականին 13-ամյա աղջկան բռնաբարելու մեջ:

Հարակից հրապարակումներ`

Տեքստում սխալ կամ վրիպակ նկատելու դեպքում, ուղարկեք խմբագրին հաղորդագրություն` նշելով տվյալ սխալը, այնուհետև սեղմելով Ctrl-Enter: