Երևան վերադառնալուց հետո Ռոբերտ Քոչարյանը պատասխանել է քննիչի հարցերին.Վիկտոր Սողոմոնյան

Իրավունք 15:34 09/07/2018 Հայաստան

Երևան վերադառնալուց հետո Ռոբերտ Քոչարյանը պատասխանել է քննիչի հարցերին.Վիկտոր Սողոմոնյան

«Մենք ծանուցում ենք ստացել Հատուկ քննաչական ծառայությունից՝ ՀՀ երկրորդ նախագահ Ռոբերտ Քոչարյանին որպես վկա հացաքննության ներկայանալու կապակցությամբ։ Պատկերացնելով, որ այս հարցը գտնվում է մամուլի ուշադրության կենտրոնում՝ ես որոշեցի հրապարակել այն նամակը, որով մենք պատասխանել ենք հարցաքննության գալու հայցին»,- լրագրողների հետ զրույցում այսօր ասաց ՀՀ երկրոր նախագահ Ռոբերտ Քոչարյանի գրասենյակի պատասխանատու Վիկտոր Սողոմոնյանը։

Նա տեղեկացրեց, որ ՀՔԾ-ից հարցաքննության կանչելու մասին ծանուցում Ռոբերտ Քոչարյանը փոստային ծառայության միջոցով ստացել է 2018 թվականի հուլիսի 6-ին։ Ծանուցվել է, որ վերջինս հարցաքննության պետք է ներկայանա նույն օրը՝ 15։30-ին։

Գրասենյակի պատասխանատուն միաժամանակ տեղեկացրեց, որ Ռոբերտ Քոչարյանը Հայաստան կվերադառնա ոչ շուտ, քան 2018 թվականի հուլիսի 25-ը։

«Երևան վերադառնալուց հետո նա պատրաստ է առկա պատասխանել ՀՔԾ քննիչի կողմից իրեն ուղղված հարցերին։ Միաժամանակ, եթե մինչև 2018 թվականի հուլիսի 25-ն առաջանան անհրաժեշտ հանգամանքներ, ապա Ռոբերտ Քոչարյանը պատրաստ է պատասխանել նախապես տրամադրված գրավոր հարցերին՝ գրավոր կամ կապի այլ միջոցների օգնությամբ»,- նշեց Վիկտոր Սողոմոնյանը։

Նա միաժամանակ նշեց, որ իրենք առաջարկում են քննարկել Ռոբերտ Քոչարյանի հարցաքննությունը սկզբից մինչև վերջ իրենց ներկայացուցչի կողմից տեսաձայնագրելու հնարավորությունը ՝ հաշվի առնելով, որ վերջինս պետական կամ ծառայողական գաղտնիք պարունակող որևէ տեղեկություն չի հայտնելու։ Իրենց այս առաջարկը Սողոմոնյանը բացատրեց անհրաժշտության դեպքում տեսանյութը հրապարակելու մտադրությամբ։

Հարակից հրապարակումներ`

Տեքստում սխալ կամ վրիպակ նկատելու դեպքում, ուղարկեք խմբագրին հաղորդագրություն` նշելով տվյալ սխալը, այնուհետև սեղմելով Ctrl-Enter: