Ձեր վստահելի աղբյուրը

Պորտուգալիայի ազգային հավաքականի հարձակվող Քրիշտիանու Ռոնալդուն բացատրել է մադրիդյան «Ռեալից» թունիսյան «Յուվենտուս» տեղափոխվելու իր որոշումը։

«Այս տարիները «Ռեալում» և Մադրիդում, հնարավոր է, իմ կյանքում ամենաերջանիկն են եղել։ Կարող եմ միայն շնորհակալություն հայտնել բոլորին սիրո և ջերմության համար, որը ես այնտեղ զգացել եմ։
Բայց հավատում եմ, որ եկել է իմ կարիերայում և կյանքում նոր փուլ սկսելու ժամանակը, այդ պատճառով խնդրեցի մադրիդյան «Ռեալին» ընդունել տեղափոխման առաջարկը։ Ես խնդրում եմ բոլորին, հատկապես իմ երկրպագուներին, հասկանալ ինձ»,- Գազետա.ռու-ի հաղորդմամբ, գրել է Ռոնալդուն իր նամակում, որը հրապարակվել է մադրիդյան ակումբի կայքում։

Նա նաև «Ռեալում» անցկացրած ժամանակն անվանել է դժվար և հոյակապ։ Ֆուտբոլիստը հայտարարել է, որ մադրիդյան ակումբում վայելում էր ֆուտբոլը։

«Ես շատ եմ մտածել։ Գիտեմ, որ ինձ համար եկել է նոր էտապ սկսելու ժամանակը։ Ես գնում եմ, բայց «Ռեալի» խորհրդանշանով այս մարզաշապիկը միշտ կընկալվի իմ կողմից որպես իմ սեփականը։ Շնորհակալություն բոլորիդ։ Եվ ինչպես ես ասել էի 9 տարի առաջ՝ Hala Madrid!»,- գրել է նա։

Հիշեցնենք՝ երեկ պաշտոնապես հայտարարվեց, որ Քրիշտիանու Ռոնալդուն «Ռեալից» տեղափոխվել է «Յուվենտուս»։ Պորտուգալացին մադրիդյան ակումբում  հանդես էր գալիս 2009 թվականից։