Ձեր վստահելի աղբյուրը

«Ես պատրաստվում եմ վաղն աշխատանքային խմբի նիստին առաջարկել, որ միգուցե ԸՕ քննարկման խորհրդարանական ձևաչափն այս փուլում պաուզա վերցնի։ Ինչո՞ւ, որովհետև ըստ էության՝ մենք մեր հիմնական խնդիրը լուծել ենք։ Խորհրդարանական բոլոր 4 քաղաքական խմբակցությունները Ընտրական օրենսգրքի բարեփոխման վերաբերյալ իրենց ֆունդամենտալ, հիմնական առաջարկները ներկայացրել են։ Մենք առաջարկում ենք, որ երկու ձևաչափերը համատեղվեն, բայց, կարծես թե, կառավարության համար դա ընդունելի չէ»,- նշեց Նաիրա Զոհրաբյանը։

Պատգամավորը շեշտեց՝ երեկ իրենք ստացել են կառավարության հովանու ներքո ստեղծված աշխատանքային խմբի առաջարկները, և վաղը միգուցե հենց այդ առաջարկները քննարկվեն։

«Մեզ համար այս պահին էական է, թե կառավարությունը մեր առաջարկներից որն է ընդունում և որը կներառի նոր մշալկվելիք ԸՕ-ում։ Երկու տարբեր աշխատանք անելը բացարձակ ռացիոնալ չեմ համարում, որովհետև եթե ուզում ենք ունենալ ԸՕ, պետք է մեկ գործ անենք։ Հիմնական փոփոխության՝ ընտրակարգի վերաբերյալ քաղաքական ուժերի միջև չկա կոնսենսուս։ Մեր և «Ելք»-ի մոտեցումը նույնական է, մենք գտնում ենք, որ փակ համամասնական ցուցակներով պետք է գնանք, ՀՀԿ-ի մոտեցումը շարունակում է մնալ ռեյտինգային ընտրակարգի պահպանումը,  ՀՅԴ-ն առաջարկում է մի մոդել, որը քննարկման արժանի է՝ համամասնական, բայց բաց ցուցակները»,- շեշտեց պատգամավորը։

Մանրամասները՝ տեսանյութում