Ձեր վստահելի աղբյուրը

««Ծառուկյան դաշինք» խմբակցությունը կողմ է փակ համամասնական ընտրակարգին, սակայն պատրաստ է նաև քննարկել որոշակի մոդել, որը հնարավորություն կտա մարզային թեկնածուների ներգրավվածություն ապահովվել։ Այդ մոդելը բնականաբար չի կարող լինել գործող մոդելը, որով մենք գնացինք ընտրության։ Սա մեր գնահատմամբ ապաքաղաքականցրեց ընտրությունը, և ընտրությունները իդեաների, բրենդների, կուսակցությունների միջև պայքարից տեղափոխեց ռեսուրսների միջև պայքարի դաշտ»,- ԱԺ-ում Ընտրական օրենսգրքի շուրջ այսօր կայացած քննարկումների ժամանակ ասաց «Ծառուկյան դաշինք» խմբակցության պատգամավոր Նաիրա Զոհրաբյանը։

Նրա  խոսքով, այսօրվա խորհրդարանական աշխատանքը բավականին հետաքրրքիր է լինելու, քանի որ քննարկվելու է  ամենասկզբունքային՝ ընտրակարգի խնդիրը։

«Համամասնական մոդելը տարատեսակ մոդիֆիկացիաներ ունի։ Եթե նպատակ ունենք գտնել ամենաարդյունավետ մոդելը, մեր քննարկումների արդյունքում կարող ենք հասնել դրան»,- ասաց պատգամավորը։