Ձեր վստահելի աղբյուրը

Ֆրասնիական Renault ընկերությունը ներկայացրել է Logan-ի և Sandero-ի  նորացված տարբերակները: Ավտոդիլերներն արդեն իսկ ընդունում են պատվերներ, իսկ իրական վաճառքները կսկսվեն հուլիսի վերջից: 

Renault-ի պաշտոնական ներկայացուցիչ «Մեգնա» ընկերությունից հայտնում են՝ նոր մոդելները շուտով հասանելի կլինեն նաև հայաստանյան շուկային:

Նոր Logan-ը և Sandero-ն ստացել են թարմացված դիզայն, որն էլ ավտոմեքենաներին տալիս է ավելի էլեգանտ և ժամանակակից տեսք: Էքստերիերի հիմնական առանձնահատկություններից է ցերեկային ընթացքի C-աձև լուսադիոդային լուսարձակները, որոնք ավտոմեքենաներին տալիս են էլ ավելի արտահայտիչ «հայացք»:

Ընկերությունից մանրամասնում են, այժմ Logan-ի և Sandero-ի ժամանակակից դիզայնում կարելի է նկատել երանգներ, որոնք նախկինում բնորոշ էին միայն Renault-ի բարձր սեգմենտի ավտոմեքենաներին, ինչպես օրինակ, ռադիատորի սև ճաղավանդակը, նոր թափարգելը և հակամառախուղային լուսարձակները:

«Շնորհիվ ժամանակակից օպցիաների, ավտոմեքենաների կառավարումը դարձել է էլ ավելի հեշտ և հարմարավետ: Նորարար տեխնոլոգիաները կօգնեն Ձեզ ամենօրյա ճանապարհորդությունները դարձնել հաճելի և անմոռանալի:

Նորացված Logan-ի և Sandero-ի շրջադարձի ցուցիչները ստացել են երեք անգամ թարթելու ֆունկցիա, վառելիքի բաքի դռնակը այսուհետ հնարավոր կլինի բացել անմիջապես սրահից, իսկ սարքավորւմների վահանակի դիսփլեյի վրա ավելացել է շարժիչի ջերմասիճանի ցուցիչը:  Որոշ համալրումների համար հասանելի կլինի շարժիչի հեռավար գործարկման ֆունկցիան, որը նաև թույլ կտա նախապես տաքացնել ավտոմեքենայի սրահը»,-նկարագրում են ընկերության մասնագետները:

Նորացված Logan-ը և Sandero-ն կառաջարկվեն տարբեր հզորությամբ 1,6-լիտրանոց շարժիչներով՝ 82, 102 և 113 ձիաուժ: Ըստ շարժիչի, կբաշխվեն նաև փոխանցումատուփերը՝ 5-աստիճան մեխանիկականն ու ավտոմատ /տիպտրոնիկ/: 

Նշենք, որ Հայաստանում ռեսթայլինգային Logan-ի և Sandero-ի հասանելիությունը և հնարավոր համալրումներն ու արժեքները կարելի է ճշտել Renault-ի պաշտոնական ներկայացուցիչ՝ «Մեգնա» ընկերությունից: