Ձեր վստահելի աղբյուրը

Իսրայելական հեռուստառադիոհեռարձակման «Կան» ընկերությունը զգուշացրել է, որ Իսրայելը կարող է կորցնել «Եվրատեսիլ-2019» երգի միջազգային մրցույթն անցկացնելու իրավունքը, եթե հինգ օրվա ընթացքում միջոցառման եվրոպացի կուրատորների հաշվին չփոխանցի գրավի գումարը՝ 14 միլիոն դոլար։ Գազետա.ռու կայքը, հղում անելով Times of Israel-ին, գրում է, որ «Կան»-ի ղեկավարությունն արդեն նամակ ուղարկել է Իսրայելի վարչապետ  Բենյամին Նեթանյահուին, նաև ֆինանսների և հաղորդակցության նախարարներին։

Ավելի վաղ  Բենյամին Նեթանյահուն զգուշացրել էր, որ որ այդ գումարի չափով միջոցառման բյուջեն չի ավելացնի:

Հաղորդակցության նախարարն առաջարկել էլ հեռարձակողին վարկ, բայց «Կանը» մերժել է այդ պայմանը և դրա փոխարեն խնդրել ավելացնել բյուջեն, ինչը կառավարությունը չի ցանկանում։ 

Ընդհանուր առմամբ, «Եվրատեսիլի» անցկացման համար Իսրայելին անհրաժեշտ է 40 միլիոն դոլար։ Կառավարության կարծիքով, «Կանը» պետք է դրա անցկացման համար ծախսի այն գումարից, որն ամեն տարի հատկացվում է բյուջեից։ Այն կազմում է 190 միլիոն դոլար։

Իսրայելը ստացել է մրցույթն անցկացնելու իրավունքը, քանի որ անցած տարի մրցույթում հաղթել է հենց այդ երկրի ներկայացուցիչը։