Նախագիծը հնարավորություն է տալիս արհմիություններին որոշակի անկախություն ընձեռել. Մանե Թանդիլյան
«Արհեստակցական միությունների մասին օրենքով ներկայում սահմանված է, որ այդ միության մասնակիցները, անդամները կարող են լինել նաև տնտեսության համապատասխան ճյուղում տարբեր գործատուների հետ աշխատանքային պայմանագիր կնքած աշխատողներ։ ԱԺ մի խումբ պատգամավորների կողմից օրենսդրական նախաձեռնության կարգով ներկայացված նախագծով առաջարկվում է փոփոխել վերոհիշյալ դրույթը՝ հնարավորություն տալով տարբեր ճյուղերում գործունեություն իրականացնող գործատուների մոտ աշխատողներին անկախ արհմիություն ստեղծելու և դրան անդամակցելու»,- այսօր կառավարության նիստում հայտարարեց Աշխատանքի և սոցիալական հարցերի նախարար Մանե Թանդիլյանը։
Նախարարի խոսքով, նախագծի հեղինակների կողմից նախագծի ընդունման անհրաժեշտությունը հիմնավորվում է հետևյալ կերպ. օրենքի չորրորդ հոդվածը սահմանում է, որ արհմիությունը հիմնադրում է նրա հիմնադիրների նախաձեռնությամբ հրավիրված հիմնադիրր ժողովի որոշմամբ։
«Որպես կանոն՝ արհմիությունները ստեղծվում են տվյալ գործատուի մոտ աշխատող անձանց կողմից։ Որպես արհմիության անդամ, բայց նաև որպես գործատուի աշխատող՝ արհմիությունների ընտրովի պաշտոններում ընդգրկված անձինք փաստացի կաշկանդված են լինում գործատուի հետ աշխատանքային հարաբերությունների փաստով, այսինքն՝ արհմիության լիազորված ներկայացուցիչները, լինելով գործատուի աշխատողներ, օգտվելով գործատուի գույքից, նրա կապի և տրանսպորտի միջոցներից, չեն կարողանում իրենց՝ որպես արհմիության անդամի լիազորություններն անկախ և օբյեկտիվ իրականացնել։ Բացի այդ ՝ տեղական մակարդակում գործող արհմիությունների բյուջեն համալրում է գլխավորապես գործատուի կողմից արվող հատկացումներով, ինչն արհմիության անդամներին անվիճելիորեն կախվածության մեջ են դնում գործատուից։ Նախագծով առաջարկվող կարգավորմամբ ստեղծվող անկախ արհմիությունը, ըստ հեղինակների, կախվածություն չի ունենում որևէ գործատուից և ֆինանսավորվում է բացառապես աշխատողների անդամավճարներից, ինչն ինքնուրույն գործելու ողջամիտ հեռանկար է ստեղծում։ Ըստ էության՝ նախագիծն ընդունելի է առ այն, որ որոշակիորեն հնարավորություն է տալիս արհմիություններին որոշակի անկախություն ընձեռել»,- ասաց Մանե Թանդիլյանը։
ՀՀ կրթության և գիտության նախարար Արայիկ Հարությունյանը գործընկերուհուց հետաքրրքվեց՝ արդյոք նրա ղեկավարած գերատեսչությունը պատրաստվո՞ւմ է օրենքի ամբողջական փոփոխություն նախաձեռնել։
Թանդիլյանն ի պատասխան նկատեց՝ գալիք շաբաթվա սկզբին իրենք նախատեսում են Արհմիությունների մասին օրենքի առավելությունների և թերությունների վերհանման շուրջ համաժողով անցկացնել։
Կառավարության անդամներից ոչ ոք դեմ չքվեարկեց, որոշումն ընդունվեց։
Հարակից հրապարակումներ`
Լրահոս
Տեսանյութեր
Հայաստանի ու հայ ժողովրդի շահերը պաշտպանող իշխանություն գոյություն չունի. Բագրատ Սրբազան
