Ձեր վստահելի աղբյուրը

Հայաստանում տեղի ունեցող իրադարձությունները հակասում են նոր ղեկավարության այն հայտարարություններին, որ  իրենց նախորդներին չեն հետապնդելու քաղաքական մոտիվներով: «Ռիա Նովոստի» գործակալության փոխանցմամբ, այս մասին հայտարարել է ՌԴ ԱԳ նախարար Սերգեյ Լավրովը:

«Ռուսաստանը` որպես Երևանի դաշնակից միշտ հետաքրքրված է հայկական պետականության կայունությամբ, այդ պատճառով այնտեղ տեղի ունեցած դեպքերը չեն կարող մեզ չանհանգստացնել, այդ թվում ԱՊՀ տարածքում գործող միջազգային այն կազմակերպությունների տեսանկյունից, որոնց անդամակցում է Հայաստանը: Հույս ունենք, որ իրավիճակը կընթանա կառուցողական ճանապարհով»,-ասել է Լավրովը:

Նա նշել է, որ Մոսկվան մայիսին, երբ Հայաստանը քաղաքական ճգնաժամի մեջ էր, մեծ գոհունակությամբ նշել է, որ ճգնաժամի լուծումը գտնվել է առաջատար կուսակցությունների մասնակցությամբ փոխզիջումների հիման վրա:

«Մենք հույս հայտնեցինք, որ այդ արդյունքների հիման վրա բոլոր քաղաքական ուժերը, առաջին հերթին Հայաստանի նոր ղեկավարությունը, նոր իշխանությունները, կշարունակեն նպաստել միասնական մոտեցումներին, ուժեղացնելու ազգային համաձայնությունը»,- ասել է Լավրովը:

Նա ասել է, որ վերջին մի քանի օրերին ռուսական կողմը մի քանի անգամ փոխանցել է  իր  մտահոգությունը ՀՀ ղեկավարությանը: