Ձեր վստահելի աղբյուրը

Այս տարվա առաջին կիսամյակի ընթացքում ՀՀ-ն փախստականի կարգավիճակ է շնորհել 52 մարդու, 42 մարդու դեպքում դադարեցվել է փախստականի կարգավիճակը: Այսօր նման տվյալներ է հրապարակել ՀՀ վիճակագրական կոմիտեն:

Փախստականի կարգավիճակ ստացած անձանցից 20-ը Սիրիայից են, 12-ական Յեմենից ու Իրաքից, 2-ական մարդ՝  Իրանից ու Նիգերիայից, մեկական մարդ՝ Ադրբեջանից, Պաղեստինից, Ուկրաինայից, Թայլանդից:

Փախստականի կարգավիճակը դադարեցրած անձանցից 36-ը քաղաքացիություն չունեն, 3-ը՝ Իրաքից են, 2-ը՝ Սիրիայից, 1-ը՝ Ուկրաինայից:

Այս տարվա առջին վեց ամսում ապաստանի հայցի մերժում է ստացել 17 անձ, որոնցից  4-ը Աֆղանստանից են, 3-ը՝ Թուրքիայից, 7-ը՝ Իրանից, 2-ը՝ Թուրքմենստանից, մեկական՝ Ուզբեկստանից ու Վրաստանից:

Հունվար-հունիս կացության կարգավիճակ է ստացել 2 284   օտարերկրացի՝ նախորդ տարվա նույն ժամանակահատվածի  2 055 –ի փոխարեն: Հուլիսի 1-ի դրությամբ ՀՀ ժամանակավոր կացության վավեր կարգավիճակ ունեցող 4 283  օտարերկրացի կա, որից 1 054-ը Հնկաստանի քաղաքացիներ են: 750-ը Հայաստան է եկել ուսում ստանալու նպատակով:

4 283 օտարերկրացիներից 748-ը Հայաստանում է ընտանիքի հետ միավորվելու նպատակով,  1 835-ը՝ ուսում ստանալու,  1 646-ը՝ աշխատելու,  10 –ը՝ ձեռնարկատիրական գործունեությամբ զբաղվելու , 44-ը՝ հայ լինելու համար: