Ձեր վստահելի աղբյուրը

«Այն պահից ինչ սկսել ենք մեր գործությունեությունը որոշակի խնդիրներ ունեցել ենք, բայց չենք խուսափել պատասխանատվությունից, վերջին շաբաթներում ևս խնդիրների ենք հանդիպել»,- այս մասին այսօր լրատվամիջոցների ներկայացուցիչների հետ ճեպազրույցում ասաց «Սանիտեք» ընկերության տնօրեն Նիկոլաս Թավիլը:

Նրա խոսքով՝ երբ իրենք սխալվում են, այդ քաջությունն ունենում են ասելու, որ սխալվել են:

«Հույս ունենք, որ որոշ մարդիկ կդադարեն օգտագործել «Սանիտեք»-ի գործունեությունը՝ իրենց քաղաքական դիվիդենտներ հավաքելու համար: Անկախ նրանից, թե ինչի հետևանքով են առաջացել խնդիրները, տեխնիկական հարցերը, մենք ամբողջի համար պատասխանատվություն ենք վերցնում»,- նշեց Թավիլը:

 Ընկերության տնօրենը հայտնեց, որ խնդիրները առաջացել են մոտ երկուսուկես շաբաթ առաջ,  որոնք հիմնականում կապված են մեքենաների անսարքության, պահեստամասերի ու այրված աղբամանների հետ:

«Մեր մեքենաները եվրոպական ստանդարտների են, և խնդիրնրը հիմնականում առաջանում են աղբավայրեր հասնելու ճանապարհներին: Հիմա պատվիրել ենք նաև նոր մեքենաներ, որոնք շուտով կստանանք: Նաև 500-600 հազար դոլար ներդրում ենք անում, որպեսզի կարողնանք նոր մեքենաներ ձեռք բերել: Պատվիրել ենք նաև նոր աղբամաններ: Ինչ վերաբերում եմ աղբամանների այրվելուն, կարող եմ ասել, որ ոչ լրագրողները, ոչ քաղաքացիները չեն պատկերացնում, թե «Սանիտեքը» ինչքան կորուստ է ունենում վնասված ու այրված աղբամանների պատճառով»,- մանրամասնեց տնօրենը:

Նա հավելեց, որ այս պահին 8 հազար աղբաման ունեն քաղաքի տարածքում:

 «Կանենք ամեն ինչ, որպեսզի ծառայությունների որակը բարելավվի: Պատրաստվում ենք նաև ՏԻՄ-երի հետ համագործակցել՝ փոքր աղբամանների հարցով: Ինչպես տեսնում եք Երևանում շատ ավելի մեծ քանակությամբ աղբ են թափում այդ փոքր աղբամաններում, ինչը ևս խնդիր է»,-ասաց նա: